അങ്കമാലി: പൊലിസ് ഉദ്യോഗസ്ഥനെ വീട്ടുവളപ്പില്‍ തൂങ്ങിമരിച്ച നിലയില്‍  കണ്ടെത്തി. ആലുവ ഈസ്റ്റ് സ്റ്റേഷനിലെ ഗ്രേഡ് എസ്.ഐ ബാബുരാജ് (49)ആണ് മരിച്ചത്. അങ്കമാലിയിലെ വീട്ടുവളപ്പിലാണ് മരിച്ചനിലയില്‍ ഇദ്ദേഹത്തെ കണ്ടെത്തിയത്. വീട്ടുവളപ്പിലെ മരച്ചില്ലയില്‍ തൂങ്ങിനില്‍ക്കുന്ന നിലയിലാണ് മൃതദേഹം.

25 വര്‍ഷത്തെ സര്‍വീസുള്ള ഉദ്യോഗസ്ഥനാണ് ബാബുരാജ്. സൈബര്‍ സെല്ലിലാneയിരുന്ന ബാബുരാജ് അടുത്തിടെയാണ് സ്‌റ്റേഷന്‍ ഡ്യൂട്ടിയിലേക്ക് മാറിയത്. ബാബുരാജിന്റെ മരണകാരണം വ്യക്തമല്ല. കുറച്ചു ദിവസങ്ങളായി ഇദ്ദേഹം കടുത്ത മാനസികസമ്മര്‍ദത്തിലായിരുന്നുവെന്ന് സൂചനയുണ്ട്. മൃതദേഹം അങ്കമാലി താലൂക്ക് ആശുപത്രി മോര്‍ച്ചറിയില്‍. പോസ്റ്റുമോര്‍ട്ടത്തിനു ശേഷം ബന്ധുക്കള്‍ക്ക് വിട്ടു കൊടുക്കും.