കൊച്ചി: ഓണ്‍ലൈന്‍ ഷോപ്പിയായ ഹൈറിച്ചിനെതിരേയെടുത്ത കേസുകളില്‍ അന്വേഷണം സാധ്യമാകില്ലെന്ന് സി.ബി.ഐ ഹൈക്കോടതിയെ അറിയിച്ചു. അനധികൃത നിക്ഷേപം സ്വീകരിച്ചതുമായി ബന്ധപ്പെട്ട് കേസെടുക്കാന്‍ അഭ്യര്‍ഥിച്ച് കേന്ദ്രത്തിന് സംസ്ഥാന സര്‍ക്കാര്‍ കത്തയച്ചെങ്കിലും ഉത്തരവുകൾ വരികയോ സി.ബി.ഐ കേസ് രജിസ്റ്റര്‍ ചെയ്യുകയോ ചെയ്തിട്ടില്ല.

തട്ടിപ്പുമായി ബന്ധപ്പെട്ട് ചേര്‍പ്പ് പൊലിസെടുത്ത കേസിന്മേല്‍ നടത്തുന്ന അന്വേഷണം സി.ബി.ഐ ഏറ്റെടുക്കണമെന്നഭ്യര്‍ഥിച്ച് ഏപ്രില്‍ അഞ്ചിനാണ് കേന്ദ്ര പേഴ്‌സണല്‍ മന്ത്രാലയത്തിന് സംസ്ഥാന സര്‍ക്കാര്‍ കത്തയച്ചത്.