അബുദബി: യുവതിയെ ആക്രമിച്ച് ശാരീരിക പരിക്കുകൾ ഉണ്ടാക്കിയതിന് ഒരു യുവാവിനെതിരെ കോടതി നടപടി സ്വീകരിച്ചു. അബൂദബി ഫാമിലി, സിവിൽ, അഡ്മി നിസ്ട്രേറ്റീവ് കോടതിയാണ് സ്ത്രീക്ക് 30,000 ദിർഹം നഷ്ട പരിഹാരമായി നൽകണമെന്ന് ഉത്തരവിട്ടത്.

തനിക്ക് സംഭവിച്ച ഭൗതികവും ധാർമികവുമായ നാശനഷ്ടങ്ങൾക്ക് 150,000 ദിർഹം നഷ്ടപരിഹാരം നൽകണമെന്ന് അഭ്യർഥിച്ച് സ്ത്രീ ഫയൽ ചെയ്ത‌ കേസിലാണ് വിധി. ഇതിനായി മെഡിക്കൽ റിപ്പോർട്ടും യുവതി സമർപ്പിച്ചിരുന്നു. കേസിൽ നാശനഷ്ടങ്ങൾക്ക് നഷ്ടപരിഹാരമായി 30,000 ദിർഹം പരാതിക്കാരിക്ക് നൽകാൻ കോടതി ഉത്തരവിട്ടു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക