പൂനെ: ഹണിട്രാപ്പില്‍ പെടുത്തി വയോധികനില്‍ നിന്നും പണം തട്ടാന്‍ ശ്രമിച്ച മൂന്ന് സ്ത്രീകള്‍ പിടിയില്‍. വിശ്രാംബാഗ് പൊലിസാണ് കേസ് രജിസ്റ്റര്‍ ചെയ്തത്. യുവതികളെ സഹായിച്ച പൊലിസുകാരനായി അന്വേഷണം ആരംഭിച്ചു. വനിതാ അവകാശ സംരക്ഷണ സമിതി അംഗമായ ഇയാള്‍ ഒളിവിലാണ്.

ജൂലായ് 29-നാണ് കേസിന് ആസ്പദമായ സംഭവമുണ്ടായത്. 64-കാരനായ വയോധികനെ പ്രതികള്‍ താമസിക്കുന്ന ലോഡ്ജിലേക്ക് വിളിച്ചുവരുത്തിയാണ് ഭീഷണിപ്പെടുത്തിയത്. 5 ലക്ഷം രൂപ നല്‍കാനാണ് ആവശ്യപ്പെട്ടത്.  ശനിയാഴ്ച്ച ഇദ്ദേഹം നല്‍കിയ പരാതിയെ തുടര്‍ന്നാണ് മൂന്ന് പ്രതികളെ പൊലിസ് അറസ്റ്റ് ചെയ്തത്. 

ബലം പ്രയോഗിച്ച് കാറില്‍ കയറ്റി എ.ടി.എമ്മിലെത്തിച്ചു പണം പിന്‍വലിക്കാന്‍ ആവശ്യപ്പെട്ടു. കൈയ്യിലുള്ള സ്വര്‍ണം വില്‍ക്കാനും ശ്രമം നടത്തിയതായി പൊലിസിന് നല്‍കിയ പരാതിയില്‍ പറയുന്നു.