യുപിഐ ഇടപാടുകള്‍ നടത്തുന്നവരാണ് നമ്മളില്‍ ഒട്ടുമിക്ക ആളുകളും. പഴ്‌സില്‍ പണം സൂക്ഷിച്ചുവയ്ക്കുന്ന ശീലമൊക്കെ മറന്നുവരികയാണ് മലയാളികള്‍. പക്ഷേ ദിവസവും എത്ര രൂപ വരെ യുപി ഐ വഴി അയക്കാം എന്നതിനെക്കുറിച്ച് പലര്‍ക്കും ധാരണയുണ്ടാവില്ല. 

സാധാരണയായി യുപിഐ ഇടപാട് പരിധി ഒരു ദിവസം ഒരു ഇടപാടിന് ഒരു ലക്ഷം രൂപ വരെയാണ്. ക്യാപിറ്റല്‍ മാര്‍ക്കറ്റ്, കളക്ഷനുകള്‍, ഇന്‍ഷുറന്‍സ്, വിദേശ ഇന്‍വാര്‍ഡ് റെമിറ്റന്‍സ് തുടങ്ങിയ ചില പ്രത്യേക വിഭാഗങ്ങളില്‍ യുപിഐ ഇടപാട് പരിധി 2 ലക്ഷം വരെയാണ്. ഐപിഒയ്ക്കും റീട്ടെയില്‍ ഡയറക്ട് സ്‌കീമിനും 5 ലക്ഷം രൂപ വരെയാണ്. പുതിയ ആര്‍ബിഐ ചട്ടം അനുസരിച്ച്, നികുതി പേയ്‌മെന്റുകള്‍ക്കായി 5 ലക്ഷം രൂപ വരെ യുപിഐ വഴി കൈമാറാം. 

എസ്ബിഐ

യുപിഐ ഇടപാട് പരിധി ഒരു ദിവസം ഒരു ഇടപാടിന് ഒരു ലക്ഷം രൂപ വരെയാണ്. 

എച്ച്ഡിഎഫ്‌സി

ഒരു വ്യക്തിയില്‍ നിന്ന് മറ്റൊരു വ്യക്തിയിലേക്ക് യുപിഐ വഴി കൈമാറാന്‍ കഴിയുന്ന പരമാവധി തുക ഒരു ലക്ഷം രൂപ വരെയാണ്. 24 മണിക്കൂറിനിടെ ഒരു ബാങ്ക് അക്കൗണ്ട് ഉപയോഗിച്ച് യുപിഐ വഴി 20 ഇടപാടുകള്‍ നടത്താം.

ഐസി ഐസി ഐ ബാങ്ക് 

യുപിഐ ഇടപാട് പരിധി ഒരു ദിവസം ഒരു ഇടപാടിന് ഒരു ലക്ഷം രൂപ വരെയാണ്. ഒരു ദിവസത്തെ മൊത്തം ഇടപാട് മൂല്യവും ഒരു ലക്ഷം രൂപയായാണ് നിശ്ചയിച്ചിരിക്കുന്നത്. ഒരു ദിവസം ഒരു ബാങ്ക് അക്കൗണ്ട് ഉപയോഗിച്ച് പരമാവധി 10 യുപിഐ ഇടപാടുകള്‍ നടത്താം.

ബാങ്ക് ഓഫ് ബറോഡ

യുപിഐ വഴി ഒരു ലക്ഷം രൂപ വരെ അയക്കാം. പ്രതിദിനം പരമാവധി 20 ഇടപാടുകള്‍ മാത്രമേ നടത്താന്‍ സാധിക്കൂ.

യൂണിയന്‍ ബാങ്ക് ഓഫ് ഇന്ത്യ

യുപിഐ ഇടപാട് പരിധി ഒരു ദിവസം ഒരു ഇടപാടിന് ഒരു ലക്ഷം രൂപ വരെയാണ്. മൊത്തം ഒരു ദിവസം ഒരു ബാങ്ക് അക്കൗണ്ട് ഉപയോഗിച്ച് യുപിഐ വഴി കൈമാറാന്‍ കഴിയുന്ന തുകയും ഒരു ലക്ഷം രൂപയാണ്.

കാനറ ബാങ്ക് 

24 മണിക്കൂറിനുള്ളില്‍ യുപിഐ വഴി കൈമാറാന്‍ കഴിയുന്ന പരമാവധി തുക ഒരു ലക്ഷം രൂപയാണ്. ഒരു ബാങ്ക് അക്കൗണ്ട് ഉപയോഗിച്ച് ഒരു ദിവസം 20 ഇടപാടുകള്‍ വരെ നടത്താം.

പഞ്ചാബ് നാഷണല്‍ ബാങ്ക് 

യുപിഐ ഇടപാട് പരിധി ഒരു ദിവസം ഒരു ഇടപാടിന് ഒരു ലക്ഷം രൂപ വരെയാണ്. മൊത്തം ഒരു ദിവസം ഒരു ബാങ്ക് അക്കൗണ്ട് ഉപയോഗിച്ച് യുപിഐ വഴി കൈമാറാന്‍ കഴിയുന്ന തുകയും ഒരു ലക്ഷം രൂപയാണ്.

upi transaction per day limit