ഗസ്സയില്‍ നരവേട്ട തുടര്‍ന്ന് ഇസ്‌റാഈല്‍. വിവിധ ആക്രമണ സംഭവങ്ങളിലായി ഇന്നലെ നാല്‍പതിലേറെ ഫലസ്തീനികള്‍ കൊല്ലപ്പെട്ടു. വെസ്റ്റ് ബാങ്കില്‍ നടത്തിയ വ്യോമാക്രമണത്തില്‍ അഞ്ച് ഫലസ്തീനികളെയും ഇസ്‌റാഈല്‍ വധിച്ചു. പത്ത് മാസത്തിലേറെയായി തുടരുന്ന ഇസ്‌റാഈല്‍ ക്രൂരതയില്‍ 40,476 ഫലസ്തീനികള്‍ക്ക് ഇതിനകം ജീവന്‍ നഷ്ടമായി. ഇവരില്‍ ഭൂരിഭാഗവും സ്ത്രീകളും കുട്ടികളുമാണ്.

വെടിനിര്‍ത്തല്‍ ചര്‍ച്ച അടുത്ത ആഴ്ച ഖത്തര്‍ തലസ്ഥാനമായ ദോഹയില്‍ പുനരാരംഭിക്കുമെന്നാണ് അമേരിക്ക നല്‍കുന്ന സൂചന. ഗസ്സക്കും ഈജിപ്തിനും ഇടയിലെ ഫലാഡല്‍ഫി, നെറ്റ്‌സറിം ഇടനാഴികളില്‍നിന്ന് സൈനിക പിന്‍മാറ്റം സാധ്യമല്ലെന്ന ഇസ്‌റാഈല്‍ നിലപാടാണ് കൈറോ ചര്‍ച്ചക്ക് തിരിച്ചടിയായത്.

ഗസ്സയില്‍ നിന്നുള്ള സമ്പൂര്‍ണ സൈനിക പിന്‍മാറ്റത്തില്‍ വിട്ടുവീഴ്ചക്കില്ലെന്നാണ് ഹമാസ് നിലപാട്. ഇറാനും ഹൂതികളും ഹിസ്ബുല്ലയും ഇസ്‌റാഈലിനെതിരെ പ്രതികാരം ചെയ്യുമെന്ന് പ്രഖ്യാപിച്ചിരിക്കെ, സ്ഥിതിഗതികള്‍ മേഖലായുദ്ധത്തിലേക്ക് നീങ്ങാനുള്ള സാധ്യത നിലനില്‍ക്കുന്നതായാണ് അമേരിക്കന്‍ വിലയിരുത്തല്‍.

Israeli military operations in Gaza have intensified, with over 40 Palestinians reported killed in recent attacks.