മസ്കത്ത് : പ്രവാചകൻ (സ) പ്രകൃതവും പ്രഭാവവും എന്ന ശീര്‍ഷകത്തില്‍  എസ്.കെ.എസ്.എസ്.എഫ് ഒമാൻ നാഷണല്‍ കമ്മറ്റിക്ക് കീഴില്‍ ഒരു മാസം നീണ്ടു നില്‍ക്കുന്ന മീലാദ് ക്യാമ്പയിന് നാളെ തുടക്കം. ഇന്ന് മുതല്‍ എസ്.കെ.എസ് എസ്.എഫിന്റെ മുഴുവന്‍ കേന്ദ്രങ്ങളിലും മൗലിദ് മജ്‌ലിസുകള്‍ നടക്കും. 

ക്യാമ്പയിനിന്റെ ഭാഗമായി വിവിധ ഏരിയകളിൽ പ്രകീര്‍ത്തന സദസ്സ്, മീലാദ് കോണ്‍ഫറന്‍സ്, ബുർദ മജ്ലിസ്, യുവജന സർഗസംഗമം എന്നീ വൈവിധ്യങ്ങളായ പരിപാടികള്‍ സംഘടിപ്പിക്കും. കൂടാതെ സെപ്തംബർ 28 ശനിയാഴ്ച റൂവി ഗോൾഡൻ തുലിപ്പ് ഹോട്ടലിൽ വെച്ച് ഇശ്ഖ് മജ്‌ലിസ് സംഘടിപ്പിക്കും. ബഷീർ ഫൈസി ദേശമംഗലം മുഖ്യപ്രഭാഷണം നടത്തും.മീലാദ് ക്യാമ്പയിൻ്റെ ഭാഗമായി റബീഉൽ അവ്വൽ 1 മുല്‍ 20 വരെ നാഷണൽ കമ്മിറ്റിക്ക് കീഴിൽ റബീഅ് മെഗാ ക്വിസ് സംഘടിക്കും.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക