ദുബൈ:  ദുബൈയില്‍ വാഹനാപകടത്തില്‍ പരിക്കേറ്റ മലയാളിക്ക് 11.5 കോടി രൂപ നഷ്ടപരിഹാരം ദുബൈ കോടതി വിധിച്ചു. അല്‍ ഐനിലെ ഒരു സൂപ്പര്‍ മാര്‍ക്കറ്റില്‍ ജോലി ചെയ്യുന്ന മലപ്പുറം കൂരാട് കുമ്മാളി വീട്ടില്‍ ഉമ്മറിന്റെ മകന്‍ ഷിഫിനാണ് ഈ നഷ്ടപരിഹാരത്തുക ലഭിക്കുക.  2022 മാര്‍ച്ച് 22നാണ് കേസിനാസ്പദമായ അപകടമുണ്ടായത്. മോട്ടോര്‍ സൈക്കിളില്‍ ഡെലിവറിക്ക് പോയ ഷിഫിനെ സ്വദേശി ഓടിച്ച കാര്‍ ഇടിക്കുകയായിരുന്നു. 

വാഹനാപകടത്തില്‍ ഇത്രയും വലിയ തുക ലഭിക്കുന്ന യുഎഇയിലെ രണ്ടാമത്തെ കേസാണിത്. ഫ്രാന്‍ഗള്‍ഫ് അഡ്വക്കേറ്റ്‌സാണ് കേസ് നടത്തിയത്. ഷിഫിന്റെ കുടുംബത്തിനുള്ള നഷ്ടപരിഹാരത്തുകയുടെ ചെക്ക് ഫ്രാന്‍ഗള്‍ഫ് ടീം കൈമാറി.