പരീക്ഷ മാറ്റി

സെപ്റ്റംബര്‍ രണ്ടിന് നടത്താനിരുന്ന താഴെ കൊടുത്ത പരീക്ഷകള്‍ മാറ്റി. പുതുക്കിയ തിയതി ബ്രാക്കറ്റില്‍.
ബി.എഡ് രണ്ടാം സെമസ്റ്റര്‍ 2015 പ്രവേശനം (സെപ്റ്റംബര്‍ അഞ്ച്, 9.30-11.30), ബി.ബി.എ-എല്‍.എല്‍.ബി ഒന്നാം സെമസ്റ്റര്‍ പഞ്ചവത്സരം (സെപ്റ്റംബര്‍ 19, 9.30-12.30), ബി.എച്ച്.എം.എസ് അവസാന വര്‍ഷ സപ്ലിമെന്ററി (സെപ്റ്റംബര്‍ അഞ്ച്, 9.30-12.30), ബി.ഫാം നാലാം വര്‍ഷ സപ്ലിമെന്ററി (സെപ്റ്റംബര്‍ 19, 9.30-12.30), ബി.ഐ.ഡി ഒന്നാം സെമസ്റ്റര്‍ (സെപ്റ്റംബര്‍ 19, 1.30-4.30), എം.പി.എഡ് നാലാം സെമസ്റ്റര്‍ (സെപ്റ്റംബര്‍ ഏഴ്, 1.30-4.30), എം.എഡ് രണ്ടാം സെമസ്റ്റര്‍ 2015 പ്രവേശനം (സെപ്റ്റംബര്‍ 19, 1.30-4.30)

കോണ്‍ടാക്ട് ക്ലാസ്
വിദൂരവിദ്യാഭ്യാസം യു.ജി

(സി.യു.സി.ബി.സി.എസ്.എസ്) അഞ്ചാം സെമസ്റ്റര്‍ (2014 പ്രവേശനം) വിദ്യാര്‍ഥികള്‍ക്കുള്ള പഠനസാമഗ്രി വിതരണം സെപ്തംബര്‍ മൂന്നിന് രജിസ്റ്റര്‍ ചെയ്ത കേന്ദ്രങ്ങളില്‍ നടക്കും. കോണ്‍ടാക്ട് ക്ലാസും അന്ന് ആരംഭിക്കും.
കണ്ണൂര്‍ എസ്.എന്‍ കോളജ്, ഇടപ്പള്ളി ഗവണ്‍മെന്റ് വി.എച്ച്.എസ്.എസ്, ഗവണ്‍മെന്റ് തമിള്‍ വി.എച്ച്.എസ്.എസ് ആന്റ് ചാല ടി.ടി.ഐ തിരുവനന്തപും എന്നീ കേന്ദ്രങ്ങളില്‍ കോണ്‍ടാക്ട് ക്ലാസുകള്‍ ഉണ്ടായിരിക്കുന്നതല്ല. ഈ വിദ്യാര്‍ഥികള്‍ മടപ്പള്ളി ഗവണ്‍മെന്റ് കോളജ്, തൃശ്ശൂര്‍ ശ്രീ കേരളവര്‍മ്മ കോളജ് എന്നീ കേന്ദ്രങ്ങളില്‍ നിന്നും പഠനസാമഗ്രികള്‍ കൈപ്പറ്റി ക്ലാസുകള്‍ക്ക് ഹാജരാകണം. വിവരങ്ങള്‍ സര്‍വകലാശാലാ വെബ്‌സൈറ്റില്‍. ഫോണ്‍: 0494 2407356.

അഫ്‌സലുല്‍ ഉലമ
പ്രിലിമിനറി ഗ്രേഡ് കാര്‍ഡ്

2016 ഏപ്രിലില്‍ നടത്തിയ രണ്ടാം വര്‍ഷ അഫ്‌സലുല്‍ ഉലമ പ്രിലിമിനറി പരീക്ഷയുടെ ഗ്രേഡ് കാര്‍ഡുകള്‍ സെപ്തംബര്‍ മൂന്ന് മുതല്‍ അതത് പരീക്ഷാകേന്ദ്രങ്ങളില്‍ വിതരണം ചെയ്യും. സപ്ലിമെന്ററി വിദ്യാര്‍ഥികളുടെ ഗ്രേഡ് കാര്‍ഡുകള്‍ പിന്നീട് നല്‍കും. പുനര്‍മൂല്യനിര്‍ണയ അപേക്ഷ സെപ്തംബര്‍ 30 വരെ പരീക്ഷാഭവനില്‍ സ്വീകരിക്കും.

പരീക്ഷ

ലാപ്‌ടോപ് ആന്റ് ഡെക്‌ടോപ് എഞ്ചിനീയറിംഗ് സര്‍ട്ടിഫിക്കറ്റ് കോഴ്‌സ് സപ്ലിമെന്ററി പരീക്ഷ സെപ്തംബര്‍ 20-ന് ആരംഭിക്കും.

പരീക്ഷാഫലം

2015 ഡിസംബറില്‍ നടത്തിയ ഒന്നാം സെമസ്റ്റര്‍ എം.എസ്.സി ജിയോഗ്രഫി, എം.എസ്.സി മാത്തമാറ്റിക്‌സ് (സി.യു.സി.എസ്.എസ്) പരീക്ഷാഫലങ്ങള്‍ വെബ്‌സൈറ്റില്‍ ലഭ്യമാണ്. പുനര്‍മൂല്യനിര്‍ണയത്തിന് ജിയോഗ്രഫിക്ക് സെപ്തംബര്‍ 19 വരെയും മാത്തമാറ്റിക്‌സിന് സെപ്തംബര്‍ 20 വരെയും ഓണ്‍ലൈനില്‍ അപേക്ഷിക്കാം.

സൗജന്യ ബ്യൂട്ടീഷ്യന്‍
കോഴ്‌സ്

ലൈഫ്‌ലോംഗ് ലേണിംഗ് വകുപ്പില്‍ സ്ത്രീകള്‍ക്കായി പത്ത് ദിവസത്തെ സൗജന്യ ബ്യൂട്ടീഷ്യന്‍ കോഴ്‌സ് നടത്തുന്നു. വിവരങ്ങള്‍ക്ക്: 0494 2407335.