പാലക്കാട്: സംസ്ഥാന സിവില്‍ സപ്ലൈസ് കോര്‍പ്പറേഷന്റെ ആഭിമുഖ്യത്തില്‍ കോട്ടമൈതാനത്ത് ഇന്നു മുതല്‍ 13 വരെ നടക്കുന്ന ജില്ലാ ഓണം - ബക്രീദ് മേള രാവിലെ 11 ന് വി.എസ്.അച്ചുതാനന്ദന്‍ ഉദ്ഘാടനം ചെയ്യും.  ഷാഫി പറമ്പില്‍ എം.എല്‍ എ അധ്യക്ഷനാവും. പൊതു വിപണിയെ അപേക്ഷിച്ച് വിലക്കുറവില്‍ പലവ്യജ്ഞനങ്ങളും പച്ചക്കറികളും ഏത്തക്ക ഉള്‍പ്പെടെയുളള സാധനങ്ങളും മേളയില്‍ ലഭിക്കും. ബി.പി.എല്‍, എ.എ വൈ കാര്‍ഡ് ഉടമകള്‍ക്ക് സപ്ലൈകോ വില്‍പ്പന ശാലകളിലൂടെ  സൗജന്യകിറ്റ് വിതരണവും നടക്കും. ജില്ലാ പഞ്ചായത്ത് പ്രസിഡന്റ് അഡ്വ. കെ. ശാന്തകുമാരി മുഖ്യ പ്രഭാഷണം നടത്തും.