സ്ത്രീകളിലും കുട്ടികളിലുമാണ് ഇരുമ്പിന്റെ അളവ് ഏറ്റവും കുറയുന്നതായി കണ്ടുവരുന്നത്. കോശങ്ങളുടെ ശരിയായ പ്രവര്‍ത്തനത്തിനും പേശികളുടെ ശക്തിക്കും തലച്ചോറിന്റെ പ്രവര്‍ത്തനത്തിനുമെല്ലാം ഇരുമ്പ് ആവശ്യമാണ്. 

 ഇതു കണ്ടെത്തിയാല്‍ ഇരുമ്പ് അടങ്ങിയ ആഹാരം കൂടുതല്‍ കഴിക്കുക എന്നതാണ് പ്രതിവിധി. പ്രത്യേകിച്ച് സ്ത്രീകളില്‍. ഇരുമ്പിന്റെ അളവ് കുറയുന്നത് ചില രോഗാവസ്ഥകളുടെ ലക്ഷണങ്ങളുമാവാം. ഇരുമ്പിന്റെ കുറവ് പല ആരോഗ്യപ്രശ്‌നങ്ങള്‍ക്കും കാരണമാവാം.

ശരിയായ വളര്‍ച്ചയ്ക്കും വികാസത്തിനും ശരീരത്തിന് ആവശ്യമായ ഒരു നിര്‍ണായക ധാതുവാണ് ഇരുമ്പ്. ഇത് ശരീരത്തിന്റെ വിവിധ ഭാഗങ്ങളില്‍ ഓക്‌സിജന്‍ എത്തിക്കുന്നതിന് ആവശ്യമായ ഹീമോഗ്ലോബിന്‍ രൂപീകരണത്തില്‍ ഇരുമ്പിന് പ്രധാന പങ്കുണ്ട്.

പച്ചക്കളറുള്ള ചീരയും ബ്രോക്കളിയും കടല്‍ മത്സ്യങ്ങളും ഇരുമ്പിന്റെ അളവ് വര്‍ധിപ്പിക്കുന്നതിന് മികച്ചതാണ്. എന്നാല്‍, ചിലര്‍ ഇരുമ്പിന്റെ അളവ് കൂട്ടാനായി ഉണക്കമുന്തിരിയും ഈന്തപ്പഴവും മാത്രം കഴിക്കാറുണ്ട്. 

എങ്കില്‍ ഇവയ്ക്ക് ശരിക്കും ഇരുമ്പിന്റെ അളവ് കൂട്ടാന്‍ കഴിയുമോ?.ഇരുമ്പിന്റെ അളവ് വര്‍ധിപ്പിക്കുന്നതിന് ഈന്തപ്പഴത്തെയും ഉണക്കമുന്തിരിയെയും മാത്രം ആശ്രയിക്കരുതെന്നാണ് ആരോഗ്യ വിദഗ്ധര്‍ പറയുന്നത്.

100 ഗ്രാം ഈന്തപ്പഴത്തില്‍ ഏകദേശം 0.89 മില്ലിഗ്രാം ഇരുമ്പും 286 കലോറിയും ഉണ്ട്. 100 ഗ്രാം ഉണക്കമുന്തിരിയില്‍ 4.26 മില്ലിഗ്രാം ഇരുമ്പും ഏകദേശം 300 കലോറിയും ഉണ്ട്. പ്രായപൂര്‍ത്തിയായ ഒരു സ്ത്രീക്ക് പ്രതിദിനം 29 മില്ലിഗ്രാം ഇരുമ്പാണ് വേണ്ടത്. ഇവ രണ്ടും മാത്രം കഴിച്ചതുകൊണ്ട് അവ ലഭിക്കില്ല . ഇവ കഴിക്കുന്നതിന്റെ അളവ് നിയന്ത്രിച്ച്, ഇരുമ്പിന്റെ മറ്റ് ഉറവിടങ്ങളും ഭക്ഷണത്തില്‍ ഉള്‍പ്പെടുത്തുകയാണ് ചെയ്യേണ്ടത്. 

ഇരുമ്പ് കൂടുതല്‍ അടങ്ങിയവ

പച്ച ഇലക്കറികള്‍ ഇരുമ്പ് സമ്പുഷ്ടമായ ഭക്ഷണങ്ങളുടെ പട്ടികയില്‍ ഒന്നാമതാണ്. ചെറുപയര്‍, എള്ള്, ചണവിത്ത്, സോയ ബീന്‍സ്, ബീറ്റ്‌റൂട്ട് തുടങ്ങിയ ഭക്ഷണങ്ങള്‍ കഴിക്കുന്നത് ഇരുമ്പിന്റെ അളവു കൂട്ടാന്‍ വളരെ നല്ലതാണ്. അതുകൊണ്ട് നിത്യഭക്ഷണത്തില്‍ എല്ലാ ദിവസവും ഇവയെല്ലാം ഉള്‍പ്പെടുത്തുക. നല്ല ആരോഗ്യത്തോടെ ജീവിക്കുക.  

Iron deficiency is particularly common among women and children, as iron is essential for proper cell function, muscle strength, and brain activity.