ചേലേമ്പ്ര: കൊളക്കാട്ട് ചാലി മഹല്ല് ഖാസിയായി ചുമതലയേറ്റ കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലി തങ്ങള്‍ക്ക് മഹല്ല് കമ്മിറ്റിയുടെ നേതൃത്തില്‍ സ്വീകരണം നല്‍കി. യോഗം മഹല്ല് ഖത്തീബ് എം.അലവിക്കുട്ടി ഫൈസി ഉദ്ഘാടനം ചെയ്തു. പ്രസിഡന്റ് എം. ചേക്കുട്ടി ഹാജി അധ്യക്ഷനായി. താജുദ്ദീന്‍ ഹുദവി വല്ലപ്പുഴ മുഖ്യപ്രഭാഷണം നടത്തി. വി.എം കോയ ഹാജി, കെ.സി ചേക്കു ഹാജി, ഇ.കെ കോയക്കുട്ടി മാസ്റ്റര്‍, സി.മുഹമ്മദ്, ഇ.കെ ബഷീര്‍  പ്രസംഗിച്ചു. യോഗത്തില്‍  മഹല്ല് കമ്മിറ്റി പണിപൂര്‍ത്തീകരിച്ച വീടിന്റെ താക്കോല്‍ദാനവും തങ്ങള്‍ നിര്‍വഹിച്ചു.