നിങ്ങള്‍ ടൈപ്പ് ചെയ്തു കൊടുക്കുന്ന വാക്കുകളെ വീഡിയോ ആക്കി മാറ്റാന്‍ കഴിഞ്ഞാലോ? അടിപൊളിയല്ലേ.. അതെ സംഭവം സത്യമാണ്. ഇനി നിങ്ങള്‍ പറയുന്നതുപോലെ വിഡിയോ ക്രിയേറ്റ് ചെയ്യുന്ന 'മെറ്റാ മൂവി ജെന്‍' ആണ് ഇപ്പോഴത്തെ താരം. മെറ്റയുടെ പുതിയ ജനറേറ്റീവ് എഐ ടൂള്‍ ഉപയോഗിച്ച് നമ്മള്‍ നല്‍കുന്ന ഇന്‍പുട്ട് ടെക്സ്റ്റില്‍ നിന്ന് ക്രിയാത്മകമായ വീഡിയോകള്‍ നിര്‍മ്മിക്കാനും ഇഷ്ടാനുസൃതമായി ഓഡിയോ ട്രാക്കുകള്‍ ചേര്‍ക്കാനും ഇതില്‍ സാധിക്കും.

മെറ്റ മൂവി ജെന്‍

മെറ്റയുടെ ഏറ്റവും പുതിയ ജനറേറ്റീവ് എഐ ടൂളായ മെറ്റാ മൂവി ജെന്‍ ടെക്‌സ്റ്റ് ഇന്‍പുട്ടുകളെ യൂസറിന്റെ താല്‍പര്യങ്ങള്‍ക്കനുസരിച്ച് വീഡിയോ ഫോര്‍മാറ്റാക്കി മാറ്റുകയാണ് ചെയ്യുക. വീഡിയോയില്‍ വേണ്ട ഓഡിയോ, 3D ആനിമേഷനുകള്‍ എന്നിവയുള്‍പ്പടെ ഇതില്‍ ചേര്‍ക്കാന്‍ സാധിക്കും. വീഡിയോ നിര്‍മ്മിക്കുക മാത്രമല്ല എടുത്ത വീഡിയോകള്‍ എഡിറ്റ് ചെയ്യാനും ഇത് സഹായിക്കും. ടെക്‌സ്റ്റ്ടുവീഡിയോയും ടെക്‌സ്റ്റ്ടുഇമേജ് ജനറേഷനും ഇത് അനുയോജ്യമാണ്്. ഇതോടൊപ്പം ബാഗ്രൗണ്ട് മ്യൂസിക്കുകളും, ശബ്ദ ഇഫക്റ്റുകള്‍, പശ്ചാത്തല ശബ്ദങ്ങള്‍ എന്നിവയുള്‍പ്പെടെയുള്ള ഓഡിയോകളും മെറ്റാ മൂവി ജെനിന് നിര്‍മ്മിക്കാന്‍ സാധിക്കും.

നിലവില്‍ പരീക്ഷണ ഘട്ടത്തിലാണ് മൂവി ജെന്‍. ഉപയോക്താക്കള്‍ക്ക് കൈകാര്യം ചെയ്യാന്‍ കഴിയുന്ന വിധം ഇതെപ്പോള്‍ പുറത്തിറക്കുമെന്ന് മെറ്റ വ്യക്തമാക്കിയിട്ടില്ല. മൂവി ജെനിനെ മികച്ച ഒരു എഐ ടൂളാക്കി മാറ്റാനുള്ള ശ്രമത്തിലാണ് മെറ്റ. ഇതിന്റെ ഭാഗമായി ചലച്ചിത്ര നിര്‍മ്മാതാക്കളുമായും കോണ്‍ടെന്റ ക്രിയേറ്റഴസുമായും സഹകരിച്ച് ഫീച്ചറുകള്‍ കൂടുതല്‍ മെച്ചപ്പെടുത്താനുള്ള തീരുമാനത്തിലാണ് മെറ്റയെന്നും റിപ്പോര്‍ട്ടുകളുണ്ട്. എന്നാല്‍ ഇത് ഓപ്പണ്‍ എഐക്ക് ഒരു എതിരാളിയാവുകയാണോ എന്നതാണ് നിലവിലെ ചര്‍ച്ച. ഓപ്പണ്‍ എഐ യുടെ ടെക്‌സ്റ്റ്ടുവീഡിയോ മോഡല്‍ സോറയെ ലോകത്തിന് മുന്നില്‍ അവതരിപ്പിച്ച് മാസങ്ങള്‍ക്കകമാണ് ഈ വികസനമെന്നതും ടെക്ക് ലോകം കൗതുകത്തോടെയാണ് ഉറ്റുനോക്കുന്നത്.

Meta Movie Gen Launched to Create Everything