വാഗമണ്‍: മൂന്നുമാസംമുമ്പ് അടച്ചിട്ട വാഗമണ്ണിലെ ചില്ലുപാലം തുറക്കാന്‍ സര്‍ക്കാര്‍ ഉത്തരവ്. ചില്ലുപാലത്തിന്റെ സുരക്ഷ, സ്റ്റെബിലിറ്റി എന്നിവയെക്കുറിച്ചുള്ള കോഴിക്കോട് എന്‍.ഐ.ടി.യിലെ സിവില്‍ എന്‍ജിനിയറിങ് വിഭാഗത്തിന്റെ ഇടക്കാലറിപ്പോര്‍ട്ടിലെ ശുപാര്‍ശകള്‍ പാലിക്കുന്നുവെന്നുറപ്പാക്കി പ്രവര്‍ത്തനം പുനരാരംഭിക്കാനാണ് സര്‍ക്കാര്‍ നിര്‍ദേശം നല്‍കിയിരിക്കുന്നത്.

ചില്ലുപാലം കാണാന്‍ വാഗമണ്ണിലെത്തുന്ന വിനോദസഞ്ചാരികള്‍ നിരാശരായി മടങ്ങുന്നത് മാധ്യമങ്ങള്‍ റിപ്പോര്‍ട്ട് ചെയ്തിരുന്നു. മാത്രമല്ല ചില്ലുപാലം തുറക്കാത്തത് വലിയ സാമ്പത്തികനഷ്ട്മാണ് സര്‍ക്കാരിനും വരുത്തിയത്.
 
കാലാവസ്ഥ പ്രതികൂലമായതോടെ മേയ് 30ന് സംസ്ഥാന ടൂറിസം ഡയറക്ടറുടെ ഉത്തരവുപ്രകാരമാണ് ചില്ലുപാലം അടച്ചത്. അതേസമയം കാലാവസ്ഥ അനുകൂലമായിട്ടും ചില്ലുപാലം തുറന്നുകൊടുത്തിരുന്നില്ല. പൂജ അവധിക്കാലം വരുന്നതിനാല്‍, വിനോദസഞ്ചാരികളുടെ വലിയ തിരക്കാണ് വാഗമണ്ണില്‍ പ്രതീക്ഷിക്കുന്നത്.

After a three-month closure, the Vagamon glass Bridge in Kerala is set to reopen following a government order, restoring connectivity and boosting local tourism.