അമരാവതി: വിജയവാഡ റെയില്‍വേ സ്റ്റേഷനില്‍ ലോക്കോ പൈലറ്റിനെ തലക്കടിച്ച് കൊന്നു. വ്യാഴാഴ്ച പുലര്‍ച്ചെ നാല് മണിയോടെ നടന്ന സംഭവത്തില്‍ 52കാരനായ എബനേസര്‍ എന്നയാളാണ് കൊല്ലപ്പെട്ടത്. ഡ്യൂട്ടിക്കിടയില്‍ അജ്ഞാതനായ ആക്രമി എബനേസറിന്റെ തലയില്‍ ഇരുമ്പ് വടികൊണ്ട് അടിക്കുകയും മാരകമായ പരിക്കേല്‍പ്പിക്കുകയും ചെയ്തു.
 
എബനേസറിനെ അടിയേറ്റ ഉടന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഷര്‍ട്ട് ധരിക്കാത്ത ഒരാള്‍ ആക്രമണം നടന്നതിന് തൊട്ടുപിന്നാലെ സംഭവസ്ഥലത്ത് നിന്ന് ഓടിരക്ഷപ്പെടുന്നത് സ്‌റ്റേഷനില്‍ നിന്നുള്ള സി.സി.ടി.വി ദൃശ്യങ്ങളില്‍ കാണുന്നുണ്ട്.

സംഭവത്തില്‍ പൊലിസ് അന്വേഷണം നടക്കുകയാണ്. കൊലപാതകത്തിന്റെ കാരണം അന്വേഷിക്കുകയാണെന്നും പ്രതിയെ പിടികൂടാന്‍ പരിശ്രമിക്കുകയാണെന്നും വിജയവാഡ റെയില്‍വേ പൊലിസ് ഇന്‍സ്‌പെക്ടര്‍ എം. രവി വ്യക്തമാക്കി. സംഭവത്തെക്കുറിച്ച് എന്തെങ്കിലും വിവരം ലഭിക്കുന്നവര്‍ അന്വേഷണത്തില്‍ സഹായിക്കാന്‍ മുന്നോട്ടുവരണമെന്നും റെയില്‍വേ പൊലിസ് അഭ്യര്‍ഥിച്ചു.

A tragic incident unfolded at Vijayawada Railway Station where a loco pilot was brutally attacked and killed, sparking shock and outrage.