മലപ്പുറം: മുന്‍ മുഖ്യമന്ത്രിയും സ്പീക്കറും മുസ്‌ലിംലീഗ് നേതാവുമായിരുന്ന സി.എച്ച് മുഹമ്മദ് കോയയുടെ അനുസ്മരണത്തോടനുബന്ധിച്ചു സെപ്റ്റംബര്‍ 21നു എം.എസ്.എഫ് ജില്ലാ കമ്മിറ്റി മലപ്പുറത്ത് ദേശീയ സെമിനാര്‍ നടത്തുന്നു. റോസ്‌ലോഞ്ച് ഓഡിറ്റോറിയത്തില്‍ നടക്കുന്ന ചടങ്ങില്‍ പ്രമുഖര്‍ പങ്കെടുക്കും. ചടങ്ങില്‍ സി.എച്ചിനെക്കുറിച്ചു പുസ്തകമെഴുതിവരെ ആദരിക്കും. യോഗത്തില്‍ ജില്ലാ പ്രസിഡന്റ് ടി.പി ഹാരിസ് അധ്യക്ഷനായി. സംസ്ഥാന ട്രഷറര്‍ യൂസുഫ് വല്ലാഞ്ചിറ ഉദ്ഘാടനം ചെയ്തു. വി.പി അഹമ്മദ് സഹീര്‍, ഷരീഫ് വടക്കയില്‍, നിഷാദ് കെ. സലീം, നിസാജ് എടപ്പറ്റ, പി.കെ നവാസ്, റഷീദ് മേലാറ്റൂര്‍, കെ.സി മുഹമ്മദ് കുട്ടി, കെ.പി മുഹമ്മദ് ഇഖ്ബാല്‍, സാദിഖ് കൂളമഠത്തില്‍, കബീര്‍ മുതുപറമ്പ്, റിയാസ് പുല്‍പ്പറ്റ, ടി. നിയാസ്, ഇ.വി ഷാനവാസ് സംസാരിച്ചു.