കൊച്ചി: വയനാട് ദുരന്തത്തില്‍ കേരളത്തിന് ലഭിക്കേണ്ട കേന്ദ്ര സഹായവുമായി ബന്ധപ്പെട്ട് ഒരവഗണനയും കാണിച്ചിട്ടില്ലെന്ന് കേന്ദ്ര ധനമന്ത്രി നിര്‍മല സീതാരാമന്‍ പറഞ്ഞു. വലിയ പ്രകൃതി ദുരന്തമാണ് കേരളം നേരിട്ടത്, ഇത്തരം സന്ദര്‍ഭങ്ങളില്‍ കേന്ദ്രം ഒരു അവഗണനയും കാട്ടാറില്ല. 

പുത്തുമല ദുരന്തമുണ്ടായപ്പോള്‍ മുതല്‍ പ്രധാനമന്ത്രി നേരിട്ടെത്തിയാണ് കേരളത്തിനുള്ള കരുതല്‍ ഉറപ്പാക്കിയത്, സമാനമായി വയനാട് ദുരന്തമുഖത്തിന് ആവശ്യമായ കേന്ദ്രസഹായം ഉറപ്പാക്കും, എറണാകുളത്ത് മീറ്റ് ദ ഗ്രേറ്റ് ലീഡേഴ്‌സ് പരിപാടിയില്‍ സംസാരിച്ചു കൊണ്ട് ധനമന്ത്രി വ്യക്തമാക്കി.

പ്രധാനമന്ത്രി വയനാട് ദുരന്തത്തെ ഫോട്ടോഷൂട്ടിനുള്ള അവസരമാക്കിയെന്ന ആരോപണത്തെ വിമര്‍ശിച്ച നിര്‍മല സീതാരാമന്‍, ആരോപണം ഉന്നയിക്കുന്നവര്‍ ഹൃദയശൂന്യരാണെന്നും പറഞ്ഞു.

Union Finance Minister Nirmala Sitharaman has assured Kerala of necessary assistance amidst the Wayanad disaster, citing concerns over the state's neglect in receiving adequate support.