പൊന്നാനി: പൊന്നാനി എം.ഇ.എസ് കോളജില്‍ എസ്.എഫ്.ഐ, എം.എസ്.എഫ് വിദ്യാര്‍ഥികള്‍ തമ്മില്‍ സംഘര്‍ഷം. സംഭവത്തെ തുടര്‍ന്നു കോളജ് അനിശ്ചിത കാലത്തേക്ക് അടച്ചതായി പ്രിന്‍സിപ്പല്‍ അറിയിച്ചു. പ്രശ്‌നങ്ങള്‍ക്ക് പരിഹാരമാകുന്നതുവരെ കോളജ് അടച്ചിടുമെന്നു മാനേജ്‌മെന്റ് അറിയിച്ചു.
കഴിഞ്ഞ ദിവസം എസ്.എഫ്.ഐ , എം.എസ്.എഫ് പ്രവര്‍ത്തകര്‍ തമ്മിലുണ്ടായ സംഘര്‍ഷത്തില്‍ ആറ് എസ്.എഫ്.ഐ പ്രവര്‍ത്തകര്‍ക്കും മൂന്ന് എം.എസ്.എഫ് പ്രവര്‍ത്തകര്‍ക്കും പരുക്കേറ്റിരുന്നു. തുടര്‍ന്ന് ഇന്നലെയും ഇരുവിഭാഗം വിദ്യാര്‍ഥികള്‍ തമ്മില്‍ സംഘര്‍ഷമുണ്ടായി. രാവിലെ മുതല്‍ കനത്ത പൊലിസ് കാവലിലാണ് കോളജ് പ്രവര്‍ത്തിച്ചത്. തുടര്‍ന്നാണ് ഉച്ചയോടെ കോളജ് അനിശ്ചിതകാലത്തേക്ക് അടച്ചതായി അറിയിച്ചത്.