കോഫി പ്രിയര്‍ക്കിഷ്ടമാണ് കോള്‍ഡ് കോഫി. ഇതു പുറത്തു നിന്ന് കുടിക്കുന്നതിനേക്കാള്‍ രുചിയില്‍ ഇനി നമുക്ക് വീട്ടിലുണ്ടാക്കാം. പെട്ടെന്നു തന്നെ ഉണ്ടാക്കിയെടുക്കാവുന്ന ഒന്നാണിത്. കുഞ്ഞുങ്ങള്‍ക്കും വലിയവര്‍ക്കുമൊക്കെ എപ്പോ കൊടുത്താലും ഇഷ്ടമാവുകയും ചെയ്യും. ഇനി വീട്ടില്‍ ഗസ്റ്റ് വരുകയാണെങ്കില്‍ അവര്‍ക്കും കൊടുക്കാന്‍ ബെസ്റ്റാണ്. 

ആവശ്യമായ സാധനങ്ങള്‍

ഇന്‍സ്റ്റന്‍ഡ് കോഫി പൗഡര്‍ - ഒരു ടേബിള്‍ സ്പൂണ്‍

പാല് - ഒരു കപ്പ്
പഞ്ചസാര - രണ്ട് സ്പൂണ്‍
ഐസ്‌ക്രീം- രണ്ട് സ്‌കൂപ്പ്

ഒരു പാത്രത്തില്‍ ഇന്‍സ്റ്റന്‍ഡ് കോഫി പൗഡര്‍ എടുക്കുക. ഇതിലേക്ക് കുറച്ച് ചൂടുവെള്ളമൊഴിച്ച് മിക്‌സ് ചെയ്യുക. മിക്‌സിയുടെ ജാറിലേക്ക് തണുപ്പിച്ച പാല് ഒഴിക്കുക. ഇതിലേക്ക് മിക്‌സ് ചെയ്തുവച്ച കോഫിയും പഞ്ചസാരയും ചേര്‍ത്ത് അടിച്ചെടുക്കുക. ശേഷം കുറച്ച് ഐസ്‌ക്രീം ചേര്‍ത്ത് ഒന്നു കൂടെ അടിച്ചെടുക്കുക.

ഐസ്‌ക്രീം വനിലയോ ചോക്ലേറ്റോ ഫേവര്‍ ആയിരിക്കും നന്നാവുക. അടിപൊളി കോള്‍ഡ് കോഫി റെഡി. നല്ല ഭംഗിയുള്ള ഗ്ലാസില്‍ ഒഴിക്കുമ്പോള്‍ ഗാര്‍ണിഷ് ചെയ്യാന്‍ കോഫിപൗഡറോ ചോക്ലേറ്റ് സിറപ്പോ ഉപയോഗിക്കാം.