മലപ്പുറം: ദേശീയ മാപ്പിളകലാ സമിതിയുടെ കോളജ് വിദ്യാര്‍ത്ഥികള്‍ക്കായി മാപ്പിള കലകളില്‍ പരിശീലനം സംഘടിപ്പിക്കും. മാപ്പിളപ്പാട്ട്, ഒപ്പന, ദഫ്മുട്ട്, വട്ടപ്പാട്ട്, അറവനമുട്ട്, കോല്‍ക്കളി എന്നിവയില്‍ 23, 24 തിയതികളില്‍ മലപ്പുറം പ്രിയദര്‍ശിനി കോളജിലാണ് പരിശീലനം. ആണ്‍കുട്ടികള്‍ക്കും പെണ്‍കുട്ടികള്‍ക്കും താമസ സംവിധാനത്തോടെ സംഘടിപ്പിക്കുന്ന പരിപാടിയില്‍ പങ്കെടുക്കാന്‍ താല്‍പര്യമുള്ളവര്‍ പ്രിന്‍സിപ്പലിന്റെ സാക്ഷ്യപത്രം സഹിതം പ്രോഗ്രാം കോഡിനേറ്റര്‍, പ്രിയദര്‍ശനി കോളജ്, മുണ്ടണ്ടുപറമ്പ് പി.ഒ എന്ന വിലാസത്തില്‍ 10ന് മുന്‍പ് അപേക്ഷ അയക്കണം.
ഫോണ്‍: 9446731256, 9847363526. ദേശീയ മാപ്പിള കലാസമിതി ഭാരവാഹികളായി എ.കെ അബ്ദുറഹ്മാന്‍ (ചെയര്‍മാന്‍), നിലമ്പൂര്‍ ഷാജി, വീക്ഷണം മുഹമ്മദ്, ശിവദാസ് വാര്യര്‍, സീതി കെ. വയലാര്‍ (വൈസ് ചെയര്‍മാന്‍), ഫസല്‍ കൊടുവള്ളി (ജനറല്‍ സെക്രട്ടറി), കെ.പി മുഹമ്മദ് അക്രം, എന്‍.ടി അഷ്‌റഫ് കണിയാംപറ്റ, പി. കുഞ്ഞുമൊയ്തു ചാവക്കാട്, ടി.പി നൗഫല്‍ തളിപ്പറമ്പ് (സെക്രട്ടറിമാര്‍), സമദ് മങ്കട (ട്രഷറര്‍) എന്നിവരെ തെരഞ്ഞെടുത്തു. വാര്‍ത്താസമ്മേളനത്തില്‍ എ.കെ അബ്ദുറഹ്മാന്‍, സമദ് മങ്കട, വീക്ഷണം മുഹമ്മദ്, ഫസല്‍ കൊടുവള്ളി പങ്കെടുത്തു.