തിരുവനന്തപുരം: പാലക്കാട്ട് വോട്ടെണ്ണിക്കഴിയുമ്പോള്‍ ബി.ജെ.പിയുടെ വോട്ട് കുത്തനെ കുറയുമെന്ന് മുതിര്‍ന്ന കോണ്‍ഗ്രസ് നേതാവ് എ.കെ ആന്റണി. താന്‍ ഒളിച്ചോടില്ല. ഇവിടെ തന്നെയുണ്ടാക്കും. വോട്ടെണ്ണല്‍ കഴിയുമ്പോള്‍ താന്‍ പറഞ്ഞത് യാഥാര്‍ഥ്യമാകുമെന്നും ആന്റണി പറഞ്ഞു. 

കോണ്‍ഗ്രസിന്റെ പാലക്കാട് സ്ഥാനാര്‍ഥി രാഹുല്‍ മാങ്കൂട്ടത്തിലിന് പൂര്‍ണ പിന്തുണയുണ്ട്. രാഹുലിന് വലിയ ഭൂരിപക്ഷത്തില്‍ വിജയം ഉറപ്പാണെന്നും കേരളത്തില്‍ ഹാട്രിക്ക് വിജയമായിരിക്കും കോണ്‍ഗ്രസിനുണ്ടാവുക.  ഹൈക്കമാന്‍ഡ് തീരുമാനമെടുത്താല്‍ കോണ്‍ഗ്രസ് പാര്‍ട്ടിയുടെ പ്രവര്‍ത്തകരും അനുഭാവികളും തീരുമാനം അംഗീകരിക്കണം.

ഇലക്ഷന്‍ കാലത്ത് ഒരുപാട് പേര്‍ക്ക് ആഗ്രഹമുണ്ടാകുമെന്നും എല്ലാവരും ഒറ്റക്കെട്ടായി നിൽക്കണമെന്നും അദ്ദേഹം പറഞ്ഞു. പ്രിയങ്കയുടെ സ്ഥാനാര്‍ഥിത്വം വയനാടിനെ പിടിച്ചുയര്‍ത്തും. ഉണ്ടാകാന്‍ പോകുന്നത് തരംഗമാണ്- എ.കെ ആന്റണി പറഞ്ഞു.