എറണാകുളം: എറണാകുളം മരടിൽ വീട്ടിൽ കയറി വീട്ടമ്മയെ ആക്രമിച്ചതായി പരാതി. കണ്ണാടിക്കാട് പരവര വീട്ടിൽ ലില്ലിയുടെ വീട്ടിലാണ് ആറംഗ സംഘം കേറി ആക്രമണം നടത്തിയത്. തമിഴ്നാട് ദിണ്ടിക്കലിൽ നിന്നുള്ള ആറംഗ സംഘമാണ് ഇതിന് പിന്നിൽ.

ലില്ലിയുടെ മൂത്ത മകൻ ജോലി ചെയ്യുന്ന ഫിലിം കമ്പനിയുമായി ബന്ധപ്പെട്ടുളള സാമ്പത്തിക തർക്കമാണ് ആക്രമണത്തിന് പിന്നിലെന്ന് പൊലിസ് വൃത്തങ്ങൾ പറയുന്നത്.  ഇന്ന് ഉച്ചയ്ക്ക 1.30ഓടെയാണ് സംഭവം ഉണ്ടായത്. ആറംഗ സംഘമെത്തി വാതിൽ തള്ളി തുറന്ന് വീടിന്‍റെ ഷോക്കേസ് ചില്ല് അടിച്ച് തകർക്കുകയും വീട്ടമ്മയെ തള്ളിയിടുകയും ചെയ്തു. ആക്രമണം നടത്തിയ സംഘത്തെ മരട് പൊലിസ് കസ്റ്റഡിയിലെടുത്തു.