കൊച്ചി: കൊച്ചി ഏലൂരിൽ യുവതിയെ വെട്ടിക്കൊല്ലാൻ ശ്രമം.ഏലൂർ സ്വദേശിയായ സിന്ധു ആണ് ആക്രമണത്തിന് ഇരയായത്. സിന്ധു നടത്തുന്ന സ്ഥാപനത്തിലെ ഓട്ടോ ഡ്രൈവറായ മുളവുകാട് സ്വദേശി ദീപു ആണ് യുവതിക്കെതിരെ  ആക്രമണം നടത്തിയത്. യുവതിയുടെ കഴുത്തിന് ആഴത്തിൽ വെട്ടേറ്റിട്ടുണ്ട്.

ഇന്ന് രാത്രി എട്ട് മണിയോടെയാണ് പ്രതി സിന്ധുവിനെതിരെ ആക്രമണം നടത്തിയത്. യുവതിയെ കഴുത്തുമുറിച്ച് കൊലപ്പെടുത്താനാണ് ദീപു ശ്രമിച്ചത്. കഴുത്തിൽ ആഴത്തിൽ പരിക്കേറ്റ യുവതിയെ സ്വകാര്യ ആശുപത്രിയിൽ പ്രവേശിപ്പിച്ചു. സാമ്പത്തിക ഇടപാടുകളുമായുള്ള തർക്കമാണ് ആക്രമണത്തിൽ കലാശിച്ചത് എന്നാണ് പൊലസിന്റെ പ്രാഥമിക റിപ്പോർട്ട്. സംഭവത്തിന് ശേഷം ഓടി രക്ഷപ്പെട്ട പ്രതിക്കായി പൊലിസ് തിരച്ചിൽ ശക്തമാക്കിയിട്ടുണ്ട്.