കൊച്ചി: കടവന്ത്ര മെട്രോ സ്റ്റേഷനിൽ  അപായ മുന്നറിയിപ്പ്. ഇന്ന് വൈകിട്ട് 5.51നാണ് അപായ മുന്നറിയിപ്പായുള്ള ശബ്ദ സന്ദേശം സ്റ്റേഷനിലൂടെ അനൗണ്‍സ്മെന്‍റായി വന്നത്. യാത്രക്കാര്‍ ഒഴിഞ്ഞുപോകണമെന്നും അപകടം സംഭവിക്കാൻ പോകുന്നുവെന്നുമായിരുന്നു അപായ മുന്നറിയിപ്പ്. തുടര്‍ന്ന് പൊലിസും സുരക്ഷാ ഉദ്യോഗസ്ഥരും ഉള്‍പ്പെടെ സ്റ്റേഷനിലെത്തി.

മുന്നറിയിപ്പ് കേട്ടതോടെ സ്റ്റേഷനിലുണ്ടായിരുന്ന യാത്രക്കാരെല്ലാവരും എന്ത് ചെയ്യണമെന്നറിയാതെ ആകെ നടുങ്ങി. പിന്നീട് സാങ്കേതിക തകരാറിനെ തുടര്‍ന്ന് സൈറൺ തെറ്റായി മുഴങ്ങിയതാണന്ന് കെഎംആര്‍എൽ അറിയിച്ചതോടെയാണ് നടുക്കം വിട്ടോഴിഞ്ഞത്. പൊലിസും സുരക്ഷാ ഉദ്യോഗസ്ഥരുമെത്തി പരിശോധന നടത്തിയെങ്കിലും അസ്വഭാവികമായി ഒന്നും കണ്ടെത്താനായിരുന്നില്ല.

പിന്നീടാണ് സാങ്കേതിക പ്രശ്നമാണെന്ന് അധികൃതര്‍ വിശദീകണം നൽകിയത്. എന്തായാലും ചെറിയ ഒരു പിഴവിൽ നിരവധി യാത്രക്കാരാണ് ഭയന്നുപോയത്. വൈകുന്നേരമായതിനാൽ ധാരാളം യാത്രക്കാർ സ്റ്റേഷനിലുണ്ടായിരുന്നു.