ന്യൂഡല്‍ഹി: ബുദ്ധ സിഖ് മതങ്ങള്‍ ഒഴികെയുള്ളവയിലേക്ക് മാറിയ ദലിതര്‍ക്ക് പട്ടികജാതി പദവി നല്‍കണമോയെന്ന കാര്യം പരിശോധിക്കാന്‍ രൂപീകരിച്ച കമീഷന്റെ കാലാവധി കേന്ദ്രം നീട്ടി. ഈ വര്‍ഷം ഒക്‌ടോബര്‍ 10നകം സമര്‍പ്പിക്കേണ്ട റിപ്പോര്‍ട്ട് ജസ്റ്റിസ് കെ.ജി. ബാലകൃഷ്ണന്‍ കമീഷന്‍ പൂര്‍ത്തിയാക്കിയിട്ടില്ലെന്നും അതിനാല്‍ കാലാവധി അടുത്ത വര്‍ഷം ഒക്ടോബര്‍ 10വരെ നീട്ടിയതായും സാമൂഹികനീതിശാക്തീകരണ മന്ത്രാലയം വിജ്ഞാപനത്തില്‍ അറിയിച്ചു.

2022 ഒക്ടോബറിലാണ് ജസ്റ്റിസ് കെ.ജി. ബാലകൃഷ്ണന്‍ കമീഷന്‍ രൂപീകരിച്ചത്. മതം മാറിയ പുതിയ വ്യക്തികള്‍ക്ക് എസ്.സി പദവി നല്‍കുന്നതിന്റെ എല്ലാ വശങ്ങളും പരിഗണിക്കുന്നതിനായിട്ടാണ് കമ്മീഷന്‍ രൂപീകരിച്ചത്. ഭരണഘടനയുടെ ആര്‍ട്ടിക്കിള്‍ 341 പ്രകാരം രാഷ്ട്രപതിയുടെ ഉത്തരവില്‍ പരാമര്‍ശിച്ചിട്ടുള്ളവരല്ലാത്തവരാണ് ഇതിന്റെ പരിധിയില്‍ വരിക. 1950ലെ രാഷ്ട്രപതിയുടെ ഉത്തരവ് പ്രകാരം ഹിന്ദു, സിഖ്, ബുദ്ധ സമുദായങ്ങളില്‍ നിന്നുള്ള ദലിതരെ മാത്രമാണ് പട്ടികജാതി പട്ടികയില്‍ ഉള്‍പ്പെടുത്തിയിരുന്നത്.

എന്നാല്‍, ഇതേ ചൊല്ലി അംബേദ്കറിസ്റ്റുകളുടെ ഇടയില്‍ ഭിന്നത ഉടലെടുത്തിരുന്നു. 

The Indian government has extended the tenure of the K.G. Balakrishnan Commission, tasked with examining Scheduled Caste (SC) status for Dalits who convert to religions other than Buddhism and Sikhism.