സംസ്ഥാനത്ത് ഉപതെരഞ്ഞെടുപ്പുകള്‍ നടക്കുന്നതിനാല്‍ നവംബര്‍ 13ന് നടത്താന്‍ നിശ്ചയിച്ചിരുന്ന പരീക്ഷ ഡിസംബര്‍ 26ലേക്ക് മാറ്റി. നവംബര്‍ 20 ലെ പരീക്ഷ 2025 ജനുവരി 16ലേക്ക് മാറ്റാനും ധാരണയായി. 

നവംബര്‍ 20ന് പി.എസ്.സി പാലക്കാട് ജില്ല ഓഫീസില്‍വെച്ച് നടത്താനിരുന്ന അഭിമുഖവും മാറ്റിവെച്ചിട്ടുണ്ട്. വിശദവിവരങ്ങള്‍ക്ക് വെബ്‌സൈറ്റ് https://www.keralapsc.gov.in/home2 സന്ദര്‍ശിക്കുക. 

അഭിമുഖം 

വയനാട് ജില്ലയില്‍ ഇന്‍ഷുറന്‍സ് മെഡിക്കല്‍ സര്‍വീസസ് വകുപ്പില്‍ സ്റ്റാഫ് നഴ്‌സ് ഗ്രേഡ് 2 (കാറ്റഗറി നമ്പര്‍ 302/2023) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ടവര്‍ക്ക് 8ന് പി.എസ്.സി കണ്ണൂര്‍ ജില്ല ഓഫീസില്‍വെച്ചും നവംബര്‍ 29ന് കോഴിക്കോട് ജില്ല ഓഫീസില്‍വെച്ചും അഭിമുഖം നടത്തും. 

ട്രാവന്‍കൂര്‍ ഷുഗേഴ്‌സ് ആന്റ് കെമിക്കല്‍സില്‍ ഡെപ്യൂട്ടി മാനേജര്‍ (പ്രൊഡക്ഷന്‍) (കാറ്റഗറി നമ്പര്‍ 406/2022) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ടവര്‍ക്ക് 14ന് പി.എസ്.സി ആസ്ഥാന ഓഫീസില്‍ വെച്ച് അഭിമുഖം നടത്തും. ഇതേ തസ്തികയിലേക്ക് നവംബര്‍ 13 തീയതിയില്‍ നിന്നും മാറ്റിവെച്ച അഭിമുഖത്തിന്റെ പുതുക്കിയ തീയതി പിന്നീട് അറിയിക്കും. 

ഫാക്ടറീസ് ആന്റ് ബോയിലേഴ്‌സ് വകുപ്പില്‍ മെഡിക്കല്‍ ഓഫീസര്‍ (കാറ്റഗറി നമ്പര്‍ 483/2022) തസ്തികയിലേക്ക് 14, 15 തീയതികളില്‍ രാവിലെ 9.30നും ഉച്ചയ്ക്ക് 12നും പി.എസ്.സി ആസ്ഥാന ഓഫീസില്‍ അഭിമുഖം നടത്തും. ഇതേ തസ്തികയിലേക്ക് നവംബര്‍ 13 തീയതിയില്‍ നിന്നും മാറ്റിവെച്ച അഭിമുഖത്തിന്റെ പുതുക്കിയ തീയതി പിന്നീട് അറിയിക്കും. അറിയിപ്പ് ലഭിക്കാത്തവര്‍ ജി.ആര്‍ 5 വിഭാഗവുമായി ബന്ധപ്പെടണം. (0471 2546439). 

Todays PSC Change in examination dates Interview in various departments

കൂടുതൽ തൊഴിൽ വാർത്തകള്‍ക്ക് ഗ്രൂപ്പിൽ ജോയിന്‍ ചെയ്യുക

കരിയര്‍ വാര്‍ത്തകള്‍ telegram ലഭിക്കാന്‍ ഈ ഗ്രൂപ്പ് ജോയിന്‍ ചെയ്യുക