മുതുകുളം: സെപ്റ്റംബര്‍ രണ്ടിന് നടക്കുന്ന പൊതുപണിമുടക്ക് വമ്പിച്ച വിജയമാക്കണമെന്നും കെ.എസ്.ഇ.ബിയിലെ മുഴുവന്‍ കരാര്‍ തൊഴിലാളികളും പങ്കെടുക്കണമെന്നും കെ.എസ്.ഇ.ബി കോണ്‍ട്രാക്റ്റ് വര്‍ക്കേഴ്‌സ് അസോസിയേഷന്‍(സി.ഐ.ടി.യു) ജില്ലാ പ്രവര്‍ത്തകയോഗത്തില്‍ തീരുമാനമായി. ഹരിപ്പാട് കാറല്‍മാക്‌സ് ആഡിറ്റോറിയത്തില്‍ ചേര്‍ന്ന കണ്‍വെന്‍ഷന്‍ കെ.എസ്.ഇ.ബി  വര്‍ക്കേഴ്‌സ് അസോസിയേഷന്‍ സംസ്ഥാന ജോയിന്റ് സെക്രട്ടറി  എസ്.അജയകുമാര്‍ ഉത്ഘാടനം ചെയ്തു. പി.വിശ്വനാഥന്‍പിളള യുടെ അദ്ധ്യക്ഷതയില്‍ കൂടിയ യോഗത്തില്‍ കോണ്‍ട്രാക്റ്റ് വര്‍ക്കേഴ്‌സ് അസോസിയേഷന്‍ സംസ്ഥാന കമ്മറ്റിയംഗം ജി .മോഹന്‍ദാസ് റിപ്പോര്‍ട്ടിംഗ് നടത്തി. ബി.കൃഷ്ണകുമാര്‍, ബി.വിഷ്ണു,എച്ച്.ഷാജഹാന്‍, കെ.രാധാകൃഷ്ണന്‍ എന്നിവര്‍ സംസാരിച്ചു.