അബൂദബി: നവംബർ 22 വരെ ബാക്കു ആതിഥേയത്വം വഹിക്കുന്ന യു.എൻ കാലാവസ്ഥാ വ്യതിയാന ഉച്ചകോടിയുടെ സെഷൻ 29ൽ (കോപ് 29) പങ്കെടുക്കാൻ യു.എ.ഇ പ്രസിഡൻ്റ് ശൈഖ് മുഹമ്മദ് ബിൻ സായിദ് അൽ നഹ്‌യാൻ അസർബൈജാനിലെത്തി. നേരത്തെ യു.എ.ഇ കോപ് അധ്യക്ഷ സ്ഥാനം ബാക്കുവിന് കൈമാറിയിരുന്നു. കാർബൺ പുറന്തള്ളൽ കുറയ്ക്കുന്നതിന് ലോകത്തെ സഹായിക്കാൻ യു.എ.ഇ തുടർന്നും പ്രവർത്തിക്കുമെന്ന് വാർഷിക ചർച്ചകൾ ആരംഭിക്കുന്നതിന് മുൻപ് കോപ് 28 ചീഫ് നെഗോഷ്യേറ്റർ ഹന അൽ ഹാഷിമി പ്രമുഖ ദേശീയ മാധ്യമത്തോട് പറഞ്ഞു.

അസർബൈജാൻ തലസ്ഥാനമായ ബാക്കുവിൽ ഒത്തുകൂടുന്ന പ്രതിനിധികൾ കോപ് 29 ഉച്ചകോടിയുടെ പ്രധാന അജണ്ടയിൽ ചർച്ചകൾ നടത്തും. വികസ്വര രാജ്യങ്ങൾക്കുള്ള വാർഷിക കാലാവസ്ഥാ ധനസഹായത്തിൽ 100 ബില്യൺ ഡോളർ എന്ന ലക്ഷ്യത്തിന് പകരമായി 1 ട്രില്യൺ വരെയാക്കുന്ന കരാർ രൂപപ്പെടുത്തും. സാമ്പത്തിക പ്രശ്‌നങ്ങൾ, ഉക്രെയ്‌നിലെയും ഗസ്സയിലെയും യുദ്ധങ്ങൾ, കാലാവസ്ഥാ വ്യതിയാന നിഷേധിയായ ഡൊണാൾഡ് ട്രംപ് ലോകത്തിലെ ഏറ്റവും വലിയ സമ്പദ്‌ വ്യവസ്ഥയായ യുണൈറ്റഡ് സ്റ്റേറ്റ്‌സിൻ്റെ പ്രസിഡൻ്റായി രണ്ടാം തവണ തിരഞ്ഞെടുക്കപ്പെട്ടത് എന്നതെല്ലാം ചർച്ചയിൽ വിഷയീഭവിക്കും.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

UAE President Sheikh Mohamed bin Zayed Al Nahyan has arrived in Azerbaijan to attend the COP29 World Leaders Climate Action Summit, reaffirming the UAE's commitment to enhancing climate action and sustainable development.