മലയാളികള്‍ പൊതുവെ ചോറ് കഴിക്കാന്‍ ഇഷ്ടമുള്ളവരാണ്. പ്രത്യേകിച്ച് കുത്തരി ചോറ് ഉച്ചയൂണിന് പതിവാക്കുന്നവരുമുണ്ട്. രക്തത്തിലെ പഞ്ചസാരയുടെ അളവ് നിലനിര്‍ത്താന്‍ ഇത് സഹായിക്കുന്നു.
ചുവന്ന അരിയിലെ നാരുകളും പൊട്ടാസ്യവും  പോഷകങ്ങളുമൊക്കെ ഹൃദ്രോഗം, സ്‌ട്രോക്ക് എന്നിവ കുറയ്ക്കാന്‍ സഹായിക്കുന്നതാണ്.  മാത്രമല്ല, ഇരുമ്പടങ്ങിയ ചുവന്ന അരി വിളര്‍ച്ചയ്ക്കും മാംഗനീസ് അടങ്ങിയതിനാല്‍ ഇവ എല്ലുകള്‍ക്കും ഉത്തമവുമാണ്.  ഇങ്ങനെ പല ഗുണങ്ങളുമുണ്ടെങ്കിലും കുത്തരിയുടെ അമിതമായ ഉപയോഗം ശരീരത്തിന് ദോഷങ്ങളുണ്ടാക്കും. ദിവസവും കുത്തരിയാണ് കഴിക്കുന്നതെങ്കില്‍ ഇക്കാര്യം ശ്രദ്ധിക്കൂ...

നാരുകള്‍ കഴിക്കുന്നത് ശരീരത്തിന് നല്ലതാണെങ്കിലും ഇവ അമിതമായാല്‍ മലബന്ധം, ഗ്യാസ്, വയറുവേദന എന്നിവയ്ക്കു കാരണമാവുന്നു. കുത്തരിയുടെ ചോറ് ധാരാളമായി കഴിച്ചാല്‍ ശരീരത്തിന്റെ ഭാരം കുറയും. ബോഡ് മാസ് ഇന്‍ഡക്‌സ് കുറയ്ക്കാനും ഇത് സഹായിക്കും.

നാഷനല്‍ ലൈബ്രറി ഓഫ് മെഡിസിന്‍ നടത്തിയ പഠനത്തില്‍ പറയുന്നത് തവിട്ട് അരിപോലുള്ള ധാന്യങ്ങള്‍ കഴിക്കുന്നവര്‍ക്ക് കുറച്ചു ധാന്യങ്ങള്‍ കഴിക്കുന്നവരേക്കാള്‍ കൂടുതല്‍ ഭാരം കുറയുന്നതായി കണ്ടെത്തിയിട്ടുണ്ട്.  എന്നാല്‍, കുത്തരിയില്‍ കൂടുതല്‍ ആഴ്‌സനിക് അടങ്ങിയിട്ടുണ്ട്.

മണ്ണിലും വെള്ളത്തിലും കാണുന്ന പ്രകൃതിദത്ത മൂലകമാണ് ആഴ്‌സനിക്. നെല്‍ച്ചെടികള്‍ കൂടുതല്‍ ആഴ്‌സനിക് ആഗിരണം ചെയ്യുന്നു. അതിനാല്‍ കുത്തരിയില്‍ വെള്ള അരിയിലുള്ളതിനേക്കാള്‍ 1.5 മടങ്ങ് ആഴ്‌സനിക് കൂടും. ഇവ കൂടിയ അളവില്‍ ശരീരത്തിലെത്തിയാല്‍ വിഷാംശത്തിന് കാരണവുമാവും.  മാത്രമല്ല, ഗര്‍ഭിണികളാണെങ്കില്‍ ഗര്‍ഭം അലസാനും കാന്‍സര്‍ , ഹൃദ്രോഗം തുടങ്ങിയ ആരോഗ്യപ്രശ്‌നങ്ങള്‍ക്കും കാരണമാവാം. 

കുത്തരി ഫൈറ്റിക് ആസിഡിന്റെ ഉറവിടമാണ്. കാല്‍സ്യം, ഇരുമ്പ്, സിങ്ക് എന്നിവയുടെ ആഗിരണം തടയുകയും പോഷകങ്ങള്‍ ഇല്ലാതാക്കാനും കാരണമാവുന്നു. ചുവന്ന അരി കഴിക്കുന്നത് ദഹനപ്രശ്‌നങ്ങള്‍ക്കും കാരണമാവാം. തവിടും ബാക്ടീരിയകളും നിലനിര്‍ത്തുന്നു. ഉയര്‍ന്ന അളവില്‍ നാരുകളും അപൂരിത ഫാറ്റി ആസിഡുകളും പ്രോട്ടീന്‍, ധാതുക്കള്‍, വിറ്റാമിനുകള്‍, അന്നജം എന്നിവയും അടങ്ങിയിട്ടുണ്ട്. അമിതമായി നാരുകള്‍ കഴിച്ചാല്‍ ശരീര വണ്ണം, മലബന്ധം എന്നിവയുണ്ടാവാം. അതിനാല്‍ മിതമായ അരി കഴിക്കുന്നതാണ് എപ്പോഴും നല്ലത്.