കുവൈത്ത് സിറ്റി: വിനോദസഞ്ചാരികളെ ഒറ്റവിസയില്‍ ഗള്‍ഫ് സഹകരണ കൗണ്‍സില്‍ (ജിസിസി) രാജ്യങ്ങളായ ബഹ്‌റൈന്‍, കുവൈത്ത്, ഒമാന്‍, ഖത്തര്‍, സഊദി അറേബ്യ, യുഎഇ എന്നീ രാജ്യങ്ങള്‍ സന്ദര്‍ശിക്കാന്‍ അനുവദിക്കുന്ന ഏകീകൃത ടൂറിസ്റ്റ് വിസ ഉടന്‍ പ്രാബല്യത്തില്‍ വരുമെന്ന് സൂചന. നീക്കം പ്രാദേശിക ടൂറിസം മേഖലയെ ശക്തിപ്പെടുത്തുന്നതിനുള്ള നാഴികക്കല്ലായാണ് വിലയിരുത്തപ്പെടുന്നത്. ജിസിസി സെക്രട്ടറി ജനറല്‍ ജാസിം അല്‍ ബുദൈവി ബുധനാഴ്ച ഇത് സംബന്ധിച്ച പ്രഖ്യാപനം നടത്തി.

ALSO READ: ജോലിക്ക് വേണ്ടി മാത്രമല്ല പഠിക്കാനും ഇനി ദുബൈയിലേക്ക് പറക്കും; തുറക്കുന്നത് ഐഐഎം അഹമ്മദാബാദ് ഉള്‍പ്പെടെ മൂന്ന് വമ്പന്‍ കാംപസുകള്‍

'ഏകീകൃത വിസ ജിസിസി രാജ്യങ്ങളുടെ നേതാക്കളുടെ തന്ത്രപരമായ കാഴ്ചപ്പാടിനെ പ്രതിനിധീകരിക്കുന്നു. ഇത് പ്രാദേശിക സഹകരണം ശക്തിപ്പെടുത്തുകയും, യാത്രാ അടിസ്ഥാന സൗകര്യങ്ങള്‍ നവീകരിക്കുകയും, ടൂറിസം മേഖലയെ സാമ്പത്തിക വളര്‍ച്ചയുടെ പ്രധാന ശക്തിയാക്കി മാറ്റുകയും ചെയ്യും,' അല്‍ ബുദൈവി പറഞ്ഞു. 

'നൂതന സാങ്കേതികവിദ്യകള്‍ സ്വീകരിക്കുന്നതിനും ആഗോള സുരക്ഷാ വെല്ലുവിളികളോട് പ്രതികരിക്കുന്നതിനുമുള്ള ഞങ്ങളുടെ പ്രതിബദ്ധതയാണ് ഈ വിസ പ്രതിഫലിപ്പിക്കുന്നത്.' അദ്ദേഹം പറഞ്ഞു.

ഏകീകൃത വിസയിലൂടെ വിനോദസഞ്ചാരികള്‍ക്ക് ഒന്നിലധികം ദേശീയ വിസകളുടെ ആവശ്യമില്ലാതെ ജിസിസി രാജ്യങ്ങളില്‍ സഞ്ചരിക്കാന്‍ സാധിക്കും. ഇത് ഗള്‍ഫ് മേഖലയ്ക്കുള്ളില്‍ കൂടുതല്‍ സംയോജനം പ്രോത്സാഹിപ്പിക്കുന്നതിനുള്ള ദീര്‍ഘകാലമായി പ്രതീക്ഷിച്ചുള്ള ചുവടുവയ്പ്പാണ്. യൂറോപ്പിലെ ഷെങ്കന്‍ വിസ മോഡലിന് സമാനമായി, ഈ വിസ സുഗമമായ യാത്രാനുഭവവും വിശാലമായ ഗള്‍ഫ് ടൂറിസം അനുഭവവും വാഗ്ദാനം ചെയ്യും.

ALSO READ: കള്ളപ്പണം വെളുപ്പിക്കല്‍ വിരുദ്ധ നിയമങ്ങള്‍ പാലിച്ചില്ല; വിദേശ ബാങ്ക് ശാഖയ്ക്ക് യു.എ.ഇ സെന്‍ട്രല്‍ ബാങ്ക് 5.9 മില്യണ്‍ ദിര്‍ഹം പിഴ ചുമത്തി

ജിസിസി വിസ പുറത്തിറക്കുന്ന  ഔദ്യോഗിക തീയതി വെളിപ്പെടുത്തിയിട്ടില്ലെങ്കിലും, അന്തിമ ചട്ടക്കൂടുകള്‍ പൂര്‍ത്തിയാകുന്നതോടെ വിസ പുറത്തിറക്കാന്‍ സാധിക്കുമെന്ന് ഉദ്യോഗസ്ഥര്‍ സൂചിപ്പിച്ചു.

Travel across Gulf countries will soon become more convenient as the GCC unified visa is set to be introduced. The new visa system aims to boost tourism and simplify entry procedures across member states.