കടുത്തുരുത്തി: സി.ഐ.ടി.യു തൊഴിലാളികള്‍ സര്‍വീസ് നടത്താന്‍ സ്വകാര്യ ബസുകളെ അനുവദിക്കുന്നില്ല. കൂലിവര്‍ധനവുമായി ബന്ധപെട്ടാണ് പിറവം സ്റ്റാന്‍ഡിലെ സി.ഐ.ടി.യു തൊഴിലാളികളുടെ നേതൃത്വത്തില്‍ ചൊവ്വാഴ്ച്ച മുതല്‍ സമരമാരംഭിച്ചത്.
ഇപ്പോല്‍തന്നെ സംസ്ഥാനത്ത് ഏറ്റവും കൂടുതല്‍ വേതനം കൈപ്പറ്റുന്ന തൊഴിലാളികളാണ് പിറവത്തുള്ളതെന്നും പറയുന്നു. കൂടുതല്‍ കൂലി ആവശ്യപെട്ടാണ് സമരമാരംഭിച്ചിരിക്കുന്നത്. എട്ടാം തീയതിയാണ് തൊഴിലാളികളുമായി ബസ് ഓണര്‍മാര്‍ ചര്‍ച്ച നടത്തുന്നതിന് തീയതി നിശ്ചയിച്ചിരിക്കുന്നത്. പിറവം മേഖലയിലെ തൊഴിലാളികള്‍ നടത്തുന്ന സമരത്തിലേക്ക് ഇതുമായി യാതൊരു ബന്ധമില്ലാത്ത കോട്ടയം ഭാഗത്തെ തൊഴിലാളികളെ വലിച്ചഴിച്ചത് വ്യാപകമായ പ്രതിക്ഷേധത്തിനിടയാക്കിയിട്ടുണ്ട്.
പിറവം-കോട്ടയം റൂട്ടില്‍ സര്‍വ്വീസ് നടത്തുന്ന എട്ട് സ്വകാര്യ ബസുകളുടെ സര്‍വീസാണ് മൂന്ന് ദിവസമായി മുടങ്ങിയത്.