കോട്ടയം: കുമാരനെല്ലൂരില്‍ റെയില്‍വേ ട്രാക്കില്‍ അറ്റകുറ്റപ്പണി നടക്കുന്നതിനാല്‍ എറണാകുളം  കോട്ടയം റൂട്ടില്‍ ട്രെയിനുകള്‍ വൈകിയോടുന്നു. 

4.05 ന് പുറപ്പെടേണ്ട കൊല്ലം-മച്ചിലിപട്ടണം ശബരിമല സ്‌പെഷ്യല്‍ 3 മണിക്കൂര്‍ വൈകി 7.08 നാണ് പുറപ്പെട്ടത്. 5.15 ന് പുറപ്പെടേണ്ട കോട്ടയം-നിലമ്പൂര്‍ എക്‌സ്പ്രസ്സ് 1.15 മണിക്കൂര്‍ വൈകി 7.26 നാണ് പുറപ്പെട്ടത്. വന്ദേ ഭാരത് കൃത്യസമയം പാലിക്കുന്നു. 8 മണിക്ക് ശേഷമുള്ള വേണാട്, പരശുറാം, ശബരി, തുടങ്ങിയ ട്രൈനുകള്‍ കൃത്യ സമയം പാലിക്കുമെന്നും റെയില്‍വേ അറിയിച്ചു.  

നീലമംഗലം പഴയപാലത്തിന്റെ ഗര്‍ഡറിന്റെ അറ്റകുറ്റപ്പണികള്‍ രാവിലെ 5.30ന് തീരേണ്ടതായിരുന്നെങ്കിലും ഇത് 6.55നാണ് അവസാനിച്ചത്. അഞ്ചര വരെയുള്ള വണ്ടികള്‍ക്കാണ് റെയില്‍വേ വൈകുമെന്ന അറിയിപ്പ് നല്‍കിയിരുന്നത്.