ടെഹ്‌റാന്‍; തങ്ങളുടെ പരമോന്നത നേതാവിന്റെ മരണത്തില്‍ തിരിച്ചടിച്ച് ഇറാന്‍. ടെല്‍അവീവില്‍ ഇസ്‌റാഈലിന്റെ സൈനിക കേന്ദ്രങ്ങള്‍ ഇറാന്‍ തകര്‍ത്തതായി റിപ്പോര്‍ട്ട്. പശ്ചിമേഷ്യന്‍ രാജ്യങ്ങളിലെ 27 യു.എസ് സൈനിക താവളങ്ങളടക്കമുള്ള കേന്ദ്രങ്ങളിലേക്ക് ഇറാന്‍ ആക്രമണം നടത്തിയതായും അല്‍ജസീറ റിപ്പോര്‍ട്ട് ചെയ്യുന്നു. 

ALSO READ: ആയത്തുല്ല അലി ഖാംനഈ: ഇറാന്‍ പ്രതിരോധത്തെ രൂപപ്പെടുത്തിയ നേതാവ് /In deapth story

പരമോന്നത നേതാവിന്റെ വധത്തിനുശേഷം ചരിത്രത്തിലിന്നോളം  കാണാത്ത തിരിച്ചടി നല്‍കുമെന്ന് ഇറാന്‍ വ്യക്തമാക്കിയിരുന്നു. പ്രഖ്യാപനത്തിന് ഇറാഖ് ഇര്‍ബിലിലെ യു.എസ് സൈനിക താവളത്തിനുനേരെയും ആക്രമണം ഉണ്ടായി. പശ്ചിമേഷ്യയിലെ എല്ലാ ഇസ്‌റാഈലി, യു.എസ് സൈനിക ലക്ഷ്യങ്ങളും 'ഇറാനിയന്‍ മിസൈലുകളുടെ ശക്തമായ ആക്രമണങ്ങള്‍ക്ക് വിധേയമായിട്ടുണ്ട്- എന്ന് ഇറാന്റെ ഇസ്‌ലാമിക് റെവല്യൂഷണറി ഗാര്‍ഡ് കോര്‍പ്‌സ് അവകാശപ്പെട്ടു. യു.എ.ഇയിലും ഖത്തറിലും തുടര്‍ച്ചയായ സ്‌ഫോടന ശബ്ദങ്ങള്‍ കേട്ടതായ റിപ്പോര്‍ട്ടുകള്‍ വ്യക്തമാക്കുന്നു. 

 'ശത്രു നിര്‍ണായകമായി പരാജയപ്പെടുന്നതുവരെ ഇത് നിരന്തരം തുടരും. മേഖലയിലുടനീളമുള്ള യു.എസിന്റെ മുവുവന്‍ ആസ്തികളും ലക്ഷ്യം വെച്ചാണ് ഇറാന്റെ നീക്കമെന്നും അധികൃതര്‍ കൂട്ടിച്ചേര്‍ത്തു. 

iran has reportedly launched retaliatory strikes following the death of its supreme leader, escalating tensions across the middle east