വാഷിങ്ടണ്‍: ഇറാനെതിരെ യു.എസും ഇസ്‌റാഈലും സംയുക്തമായി നടത്തിയ അക്രമണത്തെ അപലപിച്ച് ന്യൂയോര്‍ക്ക് സിറ്റി മേയര്‍ സൊഹ്‌റാന്‍ മംദാനി. അമേരിക്കക്കാര്‍ ഇത് ആഗ്രഹിക്കുന്നില്ലെന്നും അവര്‍ക്ക് സാമ്പത്തിക പ്രതിസന്ധിയില്‍ നിന്നുള്ള ആശ്വാസമാണ് വേണ്ടതെന്നും മംദാനി പ്രതികരിച്ചു. 

' നഗരങ്ങളില്‍ ബോംബെറിയുന്നു. സാധാരണക്കാരെ കൊല്ലുന്നു. ഒരു പുതിയ യുദ്ധക്കളം തുറക്കുന്നു. അമേരിക്കക്കാര്‍ ഇത് ആഗ്രഹിക്കുന്നില്ല. ഭരണമാറ്റത്തിനായി അവര്‍ക്ക് സാമ്പത്തിക പ്രതിസന്ധിയില്‍ നിന്ന് ആശ്വാസം വേണം. അവര്‍ക്ക് സമാധാനം വേണം.' - മംദാനി എക്‌സില്‍ കുറിച്ചു. 

' ഓരോ ന്യൂയോര്‍ക്കുകാരനും സുരക്ഷിതരാണെന്ന് ഉറപ്പാക്കുന്നതിലാണ് ഞാന്‍ ശ്രദ്ധ കേന്ദ്രീകരിക്കുന്നത്. ഞങ്ങളുടെ പൊലിസ് കമ്മിഷണറുമായും അടിയന്തര ദുരന്തനിവാരണ ഉദ്യോഗസ്ഥരുമായും ഞാന്‍ ബന്ധപ്പെട്ടിട്ടുണ്ട്. ജാഗ്രതയുടെ ഭാഗമായി ഏജന്‍സികള്‍ക്കിടയില്‍ ഏകോപനം വര്‍ധിപ്പിക്കുന്നതിനുമായി പ്രധാനപ്പെട്ട സ്ഥലങ്ങളില്‍ പട്രോളിങ് ഉള്‍പ്പെടെയുള്ളവ ശക്തമാക്കുന്നതിനുമുള്ള മുന്‍കരുതല്‍ നടപടികളും സ്വീകരിച്ചിട്ടുണ്ട്. 

കൂടാതെ, ന്യൂയോര്‍ക്കുലുള്ള ഇറാന്‍ സ്വദേശികളോട് നേരിട്ട് സംസാരിക്കാന്‍ ഞാന്‍ ആഗ്രഹിക്കുന്നു. നിങ്ങള്‍ ഈ നഗരത്തിന്റെ ഭാഗമാണ് - നിങ്ങള്‍ ഞങ്ങളുടെ അയല്‍ക്കരാണ്, ചെറുകിട ബിസിനസ്സ് ഉടമകളാണ്, വിദ്യാര്‍ത്ഥികളാണ്, കലാകാരന്മാരാണ്, തൊഴിലാളികളാണ്, കമ്മ്യൂണിറ്റി നേതാക്കളാണ്. നിങ്ങള്‍ ഇവിടെ സുരക്ഷിതരായിരിക്കും.'- മംദാനി കുറിച്ചു. 

ALSO READ: ഒമാനും ഇറാനും ഇടയിലെ ഇടുങ്ങിയ പാത -'ഹോര്‍മുസ്' അടയ്ക്കുമ്പോള്‍ കാത്തിരിക്കുന്നത് വലിയ പ്രതിസന്ധി; ഇന്ത്യയ്ക്കും കനത്ത തിരിച്ചടി 

തിരിച്ചടിച്ച് ഇറാന്‍

തങ്ങളുടെ പരമോന്നത നേതാവിന്റെ മരണത്തില്‍ തിരിച്ചടിച്ച് ഇറാന്‍. ടെല്‍അവീവില്‍ ഇസ്റാഈലിന്റെ സൈനിക കേന്ദ്രങ്ങള്‍ ഇറാന്‍ തകര്‍ത്തതായി റിപ്പോര്‍ട്ട്. പശ്ചിമേഷ്യന്‍ രാജ്യങ്ങളിലെ 27 യു.എസ് സൈനിക താവളങ്ങളടക്കമുള്ള കേന്ദ്രങ്ങളിലേക്ക് ഇറാന്‍ ആക്രമണം നടത്തിയതായും അല്‍ജസീറ റിപ്പോര്‍ട്ട് ചെയ്യുന്നു.

പരമോന്നത നേതാവിന്റെ വധത്തിനുശേഷം ചരിത്രത്തിലിന്നോളം കാണാത്ത തിരിച്ചടി നല്‍കുമെന്ന് ഇറാന്‍ വ്യക്തമാക്കിയിരുന്നു. പ്രഖ്യാപനത്തിന് ഇറാഖ് ഇര്‍ബിലിലെ യു.എസ് സൈനിക താവളത്തിനുനേരെയും ആക്രമണം ഉണ്ടായി. പശ്ചിമേഷ്യയിലെ എല്ലാ ഇസ്റാഈലി, യു.എസ് സൈനിക ലക്ഷ്യങ്ങളും 'ഇറാനിയന്‍ മിസൈലുകളുടെ ശക്തമായ ആക്രമണങ്ങള്‍ക്ക് വിധേയമായിട്ടുണ്ട്- എന്ന് ഇറാന്റെ ഇസ്ലാമിക് റെവല്യൂഷണറി ഗാര്‍ഡ് കോര്‍പ്സ് അവകാശപ്പെട്ടു. യു.എ.ഇയിലും ഖത്തറിലും തുടര്‍ച്ചയായ സ്ഫോടന ശബ്ദങ്ങള്‍ കേട്ടതായ റിപ്പോര്‍ട്ടുകള്‍ വ്യക്തമാക്കുന്നു.

'ശത്രു നിര്‍ണായകമായി പരാജയപ്പെടുന്നതുവരെ ഇത് നിരന്തരം തുടരും. മേഖലയിലുടനീളമുള്ള യു.എസിന്റെ മുവുവന്‍ ആസ്തികളും ലക്ഷ്യം വെച്ചാണ് ഇറാന്റെ നീക്കമെന്നും അധികൃതര്‍ കൂട്ടിച്ചേര്‍ത്തു.

New York lawmaker Zohran Mamdani has strongly criticized former U.S. President Donald Trump, calling his recent move against Iran “illegal.” Mamdani assured that Iranian residents in New York would remain safe and protected, emphasizing the city’s commitment to inclusivity and civil rights.