തിരുവനന്തപുരം: ദുരന്ത മുഖത്തെ സേവനങ്ങള്‍ക്ക് കണക്ക് നിരത്തി കേന്ദ്ര സര്‍ക്കാര്‍. പ്രളയവും ഉരുള്‍പൊട്ടലും അടക്കമുള്ള ദുരിതങ്ങളില്‍ സംസ്ഥാനത്തിന് നല്‍കിയ സേവനത്തിന്റെ റിപ്പോര്‍ട്ടാണ് നല്‍കിയത്. 2019ലെ രണ്ടാം പ്രളയം മുതല്‍ വയനാട് ദുരന്തം വരെ ദുരിതബാധിതരെ എയര്‍ലിഫ്റ്റ് ചെയ്തതിന് ചിലവായ തുക തിരിച്ചടക്കാനാണ് നിര്‍ദേശം. 

ആകെ 132 കോടി 62 ലക്ഷം രൂപ ഉടന്‍ തിരിച്ചടയ്ക്കണമെന്നാണ് ചീഫ് സെക്രട്ടറിക്ക് അയച്ച കത്തില്‍ കേന്ദ്ര സര്‍ക്കാര്‍ ആവശ്യപ്പെട്ടിരിക്കുന്നത്. എസ്ഡിആര്‍എഫിന്റെ നീക്കിയിരിപ്പില്‍ നിന്നാണ് വലിയ തുക കേന്ദ്രം തിരിച്ച് ചോദിക്കുന്നത്. 

വയനാട് ദുരന്തത്തില്‍ പെട്ട നിരവധി പേരെയാണ് സൈന്യം എയര്‍ ലിഫ്റ്റിങ് വഴി പുറത്തെത്തിച്ചത്. ആദ്യദിനം വ്യോമസേന നടത്തിയ സേവനത്തിന് 8,91,23,500 രൂപ നല്‍കണമെന്നാണ് കണക്ക് നല്‍കിയത്. ഇത്തരത്തില്‍ വയനാട്ടില്‍ നടത്തിയ രക്ഷാപ്രവര്‍ത്തനത്തിന് ആകെ നല്‍കണ്ടേത് 69,65,46,417 രൂപയാണ്.

central government directed to kerala  repay  132 crore  immediately