കൊച്ചി: മുനമ്പത്തേത് വഖഫ് ഭൂമിയല്ലെന്ന് ഫാറൂഖ് കോളജ്. ഭൂമി കോളജിന് ഇഷ്ടദാനം കിട്ടിയതാണെന്നും, അത് വില്‍ക്കാന്‍ തങ്ങള്‍ക്ക് അവകാശമുണ്ടെന്നും കോളജ് മാനേജ്‌മെന്റ് സര്‍ക്കാര്‍ നിയോഗിച്ച ജുഡീഷ്യല്‍ കമ്മീഷനെ അറിയിച്ചു. 

മുനമ്പത്തേത് വഖഫ് ഭൂമിയല്ല. കോളജിന് ഇഷ്ടദാനമായി കിട്ടിയതാണ്. അതുകൊണ്ട് തന്നെ ക്രയവിക്രയം നടത്താനുള്ള പൂര്‍ണ അധികാരം തങ്ങള്‍ക്കുണ്ടെന്നും കോളജ് അധികൃതര്‍ അറിയിച്ചു. മുനമ്പം വഖഫ് ഭൂമിയുമായി ബന്ധപ്പെട്ട പ്രശ്‌നങ്ങള്‍ പഠിച്ച് റിപ്പോര്‍ട്ട് സമര്‍പ്പിക്കാന്‍ സര്‍ക്കാര്‍ നിയമിച്ച ജുഡീഷ്യല്‍ കമ്മീഷന്‍ ചെയര്‍മാന്‍ ജസ്റ്റിസ് സി എന്‍ രാമചന്ദ്രന്‍ നായര്‍ക്ക് മുമ്പാകെയാണ് കോളജ് മാനേജ്‌മെന്റ് നിലപാട് വ്യക്തമാക്കിയത്. 

farooq college management says the land in munambam is not waqf