റിയാദ്: സഊദി അറേബ്യയില്‍ ശൈത്യകാലം തുടങ്ങിയിരിക്കെ 24 മണിക്കൂറിനുള്ളില്‍ രേഖപ്പെടുത്തിയത് സമീപകാലത്തെ ഏറ്റവും താഴ്ന്ന താപനില. സഊദിയിലെ ചില പ്രദേശങ്ങളില്‍ പൂജ്യത്തിനും താഴെ താപനിലയാണ് രേഖപ്പെടുത്തിയത്. തബൂക്ക്, അല്‍ ജൗഫ്, ഹെയില്‍ എന്നിവയുള്‍പ്പെടെ രാജ്യത്തിന്റെ വടക്കന്‍ ഭാഗങ്ങളിലാണ് കൊടും തണുപ്പ് അനുഭവപ്പെടുന്നത്. ചില പ്രദേശങ്ങളില്‍ ഇന്ന് രാവിലെ 4 മുതല്‍ 0 ഡിഗ്രി സെല്‍ഷ്യസ് വരെ താഴ്ന്നു.

തബൂക്ക്, അല്‍ ജൗഫ്, വടക്കന്‍ അതിര്‍ത്തികള്‍, മദീനയുടെ വടക്കന്‍ പ്രദേശങ്ങള്‍ എന്നിവയുള്‍പ്പെടെ രാജ്യത്തിന്റെ വടക്കന്‍ ഭാഗങ്ങളില്‍ ഏതാനുംദിവസങ്ങളായി നല്ല തണുപ്പാണ് അനുഭവപ്പെടുന്നത്. ജനുവരി 3 വരെ ഇവിടെ തണുപ്പ് നിലനില്‍ക്കും.

ഞായറാഴ്ച (ഡിസംബര്‍ 29) മുതല്‍ ചൊവ്വാഴ്ച വരെ വടക്കന്‍ അതിര്‍ത്തികള്‍, തബൂക്ക്, അല്‍ ജൗഫ് എന്നിവയിലൂടെ തണുത്ത വായു വീശും. ഇത് താപനില 4 ഡിഗ്രി സെല്‍ഷ്യസ് വരെ കുറയാന്‍ ഇടയാക്കി.

Temperatures below zero recorded in some areas of Saudi Arabia