ആലപ്പുഴ: ആലപ്പുഴയിൽ ജൂട്ട് മാറ്റ് ഫിനിഷിംഗ് യൂണിറ്റിൽ തീപിടുത്തം. തുമ്പോളി പള്ളിയ്ക്ക് വടക്ക് വശത്തായി പ്രവർത്തിക്കുന്ന മാതാ അസോസിയേറ്റ്സ് എന്ന സ്ഥാപനത്തിലാണ് തിങ്കളാഴ്ച രാവിലെ തീപിടുത്തം ഉണ്ടായത്. ആലപ്പുഴ ഫയർ ആന്റ് റസ്ക്യു സ്റ്റേഷനിൽ നിന്ന് മൂന്ന് യൂണിറ്റുകളും ചേർത്തലയിൽ നിന്ന് ഒരു യൂണിറ്റും എത്തി തീ നിയന്ത്രണ വിധേയമാക്കി. ഏകദേശം ആറ് ലക്ഷം രൂപയുടെ നഷ്ടം കണക്കാക്കുന്നു. 

മാതാ അസോസിയേറ്റ്സ് സ്ഥാപനത്തിലെ റഗ് ആന്റ് ജൂട്ട് മാറ്റുകൾക്കായിരുന്നു തീപിടിച്ചത്, ജൂട്ട് നിർമിത ഉത്പന്നങ്ങളായിരുന്നു ഇവിടെ സൂക്ഷിച്ചിരുന്നത്. നഗരത്തിലെ സ്വകാര്യ കയർ എക്സ്പോർട്ടിംഗ് കമ്പനിയിൽ നിന്ന് സബ് കോൺട്രാക്ട് എടുത്ത് പ്രവർത്തിക്കുന്ന സ്ഥാപനമാണ് മാതാ അസോസിയേറ്റ്സ്. ഇവിടുത്തെ ഗോഡൗണിന് അകലെ മാലിന്യം കത്തിച്ചതിൽ നിന്നുണ്ടായ തീപ്പൊരിയാണ് തീപിടുത്തത്തിന് കാരണമെന്നാണ് പൊലിസ് പറയുന്നത്.

A devastating fire broke out at a jute mat finishing unit in Alappuzha, resulting in an estimated loss of ₹6 lakh, with authorities investigating the cause of the blaze.