കുവൈത്ത് സിറ്റി : പിടികിട്ടാപ്പുള്ളിയായ തലാൽ ഹമീദ് അൽ-ഷമ്മരി ബിദൂനിയെ പിടികൂടാൻ പൊതു ജനങ്ങളുടെ സഹായം തേടി ആഭ്യന്തര മന്ത്രാലയം. കുറ്റവാളിയെ സംബന്ധിച്ച് എന്തെങ്കിലും വിവരം ലഭിച്ചാൽ ഉടൻ അറിയിക്കണമെന്നും സുരക്ഷാ ഉദ്യോഗസ്ഥരുമായി സഹകരിക്കണമെന്നും പൗരന്മാരോടും താമസക്കാരോടും ആഭ്യന്തര മന്ത്രാലയം അഭ്യർത്ഥിച്ചു.

നിരവധി കേസുകളിൽ പോലീസ് അന്വേഷിക്കുന്ന ഇയാൾ 9947/23 നമ്പർ പ്ലേറ്റ് സിൽവർ 2008 ജിഎംസി യുക്കോൺ ഡെനാലി ഓടിക്കുന്നതായാണ് അവസാനമായി കണ്ടത്. ഇദ്ദേഹം ആയുധദാരിയും അപകടകാരിയുമാണ്. ഏത് സാഹചര്യത്തിലും അദ്ദേഹവുമായി ഇടപെടുന്നതിനെതിരെ ജാഗ്രതയും വേണമെന്നും എമർജൻസി ഹോട്ട്‌ലൈനിൽ (112) ബന്ധപ്പെടണമെന്നും സഹായകമായേക്കാവുന്ന ഏതെങ്കിലും ദൃശ്യങ്ങളോ വിവരങ്ങളോ ഉടൻ റിപ്പോർട്ട് ചെയ്യാൻ മന്ത്രാലയം എല്ലാവരോടും അഭ്യർത്ഥിക്കുന്നു. അനധികൃത താമസക്കാരനും സുരക്ഷാ അധികൃതര്‍ അന്വേഷിക്കുന്നതുമായ ഇയാൾക്കെതിരെ നിരവധി കേസുകളുണ്ട്.

The Kuwait Ministry of Interior has appealed to the public for assistance in capturing a notorious criminal, urging citizens to come forward with any information that may lead to the suspect's arrest.