ബെംഗളൂരു: ടെക്കി അതുൽ സുഭാഷ് ആത്മഹത്യ ചെയ്‌ത സംഭവത്തിൽ ഭാര്യക്കും, ഭാര്യാമാതാവിനും ഭാര്യ സഹോദരനും ബെംഗളൂരു സിറ്റി സിവിൽ കോടതി ജാമ്യം അനുവദിച്ചു. അതുൽ സുഭാഷുമായി വേർപിരിഞ്ഞ ഭാര്യ നികിത സിംഘാനിയ, ഭാര്യയുടെ അമ്മ നിഷ, സഹോദരൻ അനുരാഗ് എന്നിവർക്കാണ് ജാമ്യം അനുവദിച്ചത്.

കഴിഞ്ഞ ഡിസംബറിലാണ് മൂന്നേകൊല്ലൽ സ്വദേശി അതുൽ സുഭാഷിനെ മരിച്ച നിലയിൽ കണ്ടെത്തിയത്. ഭാര്യയും കുടുംബവും തനിക്കെതിരെ കേസുകൾ കെട്ടിച്ചമക്കുകയാണെന്നും നിരന്തരമായി പീഡിപ്പിക്കുകയാണെന്നും ആരോപിച്ചുകൊണ്ട് 'നീതി വൈകി' എന്ന തലക്കെട്ടോടെ ഒരു കുറിപ്പെഴുതിവെച്ചായിരുന്നു അതുലിൻ്റെ ആത്മഹത്യ.

തന്റെ ആത്മഹത്യാക്കുറിപ്പ് നിരവധിയാളുകൾക്ക് അയച്ചാണ് അതുൽ ജീവനൊടുക്കിയത്. കൂടാതെ ആത്മഹത്യ ചെയ്‌ത വീടിൻ്റെ ഭിത്തിയിൽ 'നീതി വൈകി' എന്ന് പ്ലാക്കാർഡിൽ എഴുതിവെക്കുകയും ചെയ്‌തിരുന്നു. മാത്രമല്ല അതുൽ റെക്കോഡ് ചെയ്‌ത വീഡിയൊ സമൂഹമാധ്യമങ്ങളിൽ വൻതോതിലാണ് പ്രചരിച്ചത്.

The family members of Techii Atul Subhash, who died by suicide, have been granted bail in connection with the case.