തൃശൂര്‍: ഭാരതപ്പുഴയില്‍ കുളിക്കാനിറങ്ങിയ നാലംഗ കുടുംബം ഒഴുക്കില്‍പ്പെട്ടു. ഒരാളെ പുറത്തെത്തിച്ചു. ഭാര്യയും ഭര്‍ത്താവും ഇവരുടെ മകളും ബന്ധുവായ 12കാരനുമാണ് അപകടത്തില്‍പ്പെട്ടത്. ഇതില്‍ ഭാര്യയെയാണ് പുറത്തെത്തിച്ചത്. 

 മറ്റു മൂന്നുപേര്‍ക്കായി തെരച്ചില്‍ ആരംഭിച്ചു. ചെറുതുരുത്തി സ്വദേശികളായ കബീര്‍, ഇവരുടെ മകളായ പത്തുവയസുകാരി സെറ, കബീറിന്റെ സഹോദരിയുടെ മകന്‍ 12കാരന്‍ സനു എന്ന് വിളിക്കുന്ന ഹയാന്‍ എന്നിവരാണ് ഒഴുക്കില്‍പ്പെട്ടത്. ഇവര്‍ക്കായുള്ള തെരച്ചില്‍ പുരോഗമിക്കുകയാണ്.ഫയര്‍ഫോഴ്‌സും നാട്ടുകാരും ചേര്‍ന്നാണ് തെരച്ചില്‍ നടത്തുന്നത്.