തിരുവനന്തപുരം: അഗ്രികള്‍ച്ചര്‍ ഡയറക്ടറേറ്റില്‍ വിജിലന്‍സ് ഓഫിസറായിരുന്ന ബി. അശോകിനെ ധനവകുപ്പ് അഡീഷണല്‍ സെക്രട്ടറിയായി നിയമിച്ച നടപടി സ്റ്റേ ചെയ്ത് കേന്ദ്ര അഡ്മിനിസ്‌ട്രേറ്റീവ് ട്രൈബ്യൂണല്‍. 

സിവില്‍ സര്‍വീസ് ഉദ്യോഗസ്ഥരുടെ സ്ഥലംമാറ്റവുമായി ബന്ധപ്പെട്ട മാനദണ്ഡം ലംഘിച്ചുകൊണ്ടാണ് സ്ഥലംമാറ്റമെന്നായിരുന്നു അശോകിന്റെ ആരോപണം.

ഏഴാം സംസ്ഥാന ധനകാര്യ കമ്മിഷന്റെ പ്രവര്‍ത്തനങ്ങള്‍ക്കായി ധനവകുപ്പില്‍ താല്‍ക്കാലികമായി അഡിഷണല്‍ സെക്രട്ടറി തസ്തിക സൃഷ്ടിച്ചതുമൂലമുണ്ടായ ഒഴിവിലാണ് അശോകിന് നിയമനം നല്‍കിയിരുന്നത്. നടപടി സ്റ്റേ ചെയ്തതോടെ അശോകിന് കൃഷിവകുപ്പ് പ്രിന്‍സിപ്പല്‍ സെക്രട്ടറി സ്ഥാനത്തേക്ക് മടങ്ങിവരാം.