മക്ക: നൂറിലേറെ ഇറാനികള്‍ യൂറോപ്യന്‍ രാജ്യങ്ങളില്‍ നിന്ന് പുണ്യഭൂമിയിലെത്തി. ജിദ്ദ, മദീന എയര്‍പോര്‍ട്ടുകള്‍ വഴിയാണ് ഇവര്‍ ഇവിടെയെത്തിയത്. എയര്‍പോര്‍ട്ടുകളില്‍ ഇറാന്‍ ഹജ്ജ് തീര്‍ഥാടകര്‍ക്ക് സേവനം നല്‍കുന്ന ത്വവാഫ എസ്റ്റാബ്ലിഷ്‌മെന്റ് സേവകര്‍ പൂച്ചെണ്ടുകള്‍ നല്‍കി ഇവരെ സ്വീകരിച്ചു. ആകെ 113 തീര്‍ഥാടകരാണ് എത്തിയത്. ഇവര്‍ യൂറോപ്, അമേരിക്ക, ഓസ്‌ട്രേലിയ എന്നിവിടങ്ങളില്‍ നിന്നാണെത്തിയതെന്ന് ഹജ്ജ് ഉംറ മന്ത്രാലയ അണ്ടര്‍ സെക്രട്ടറി ഡോ. ഹുസൈന്‍ അല്‍ ശരീഫ് അറിയിച്ചു. യൂറോപ്യന്‍ രാജ്യങ്ങളില്‍ നിന്ന് ഈ വര്‍ഷം 700 ഇറാന്‍ തീര്‍ഥാടകര്‍ എത്തുമെന്നാണ് മന്ത്രാലയ വൃത്തങ്ങള്‍ നല്‍കുന്ന സൂചന. മുന്‍ വര്‍ഷങ്ങളില്‍ ഇറാനില്‍ നിന്ന് 80,000 ത്തിന് മുകളില്‍ തീര്‍ഥാടകര്‍ എത്താറുണ്ട്. എന്നാല്‍ ഈ വര്‍ഷം ഇറാന്‍ മുന്നോട്ടുവച്ച ഉപാധികള്‍ സഊദി അംഗീകരിച്ചിരുന്നില്ല.