തിരുവനന്തപുരം: 2025 മാർച്ച് ഒന്ന് മുതൽ കേരളത്തിൽ ഡിജിറ്റൽ ആർ.സി ബുക്കുകൾ ലഭ്യമാകുമെന്ന് ഗതാഗത കമ്മിഷണർ സി.എച്ച്‌.നാഗരാജു അറിയിച്ചു. ആർ.സി ബുക്ക് പ്രിൻ്റ് എടുത്തു നൽകുന്നതിനു പകരമാണ് ഡിജിറ്റലായി നൽകുന്നത്.

വാഹനം വാങ്ങി മണിക്കൂറുകൾക്കകം റജിസ്ട്രേഷൻ പൂർത്തിയാക്കി പരിവാഹൻ വെബ്സൈറ്റിൽനിന്ന് ആർ.സി ബുക്ക് ഡൗൺലോഡ് ചെയ്യാൻ സാധിക്കും. മോട്ടർ വാഹന വകുപ്പിലെ ആധുനികവൽക്കരണത്തിൻ്റെ ഭാഗമായാണ് നടപടി.

അതേസമയം, എല്ലാ വാഹന ഉടമകളും ആധാറിൽ കൊടുത്ത മൊബൈൽ നമ്പറുമായി ആർ.സി ബുക്ക് ബന്ധിപ്പിക്കണമെന്നും ഗതാഗത കമ്മിഷണർ നിർദേശിച്ചു. ഉടമസ്ഥാവകാശം മാറ്റുന്നതിനുൾപ്പെടെ ഇത് ഉപയോഗപ്പെടുമെന്നും, ഇത്തരത്തിൽ ബന്ധപ്പെടുത്തിയില്ലെങ്കിൽ ഉടമയുടെ അനുവാദം കൂടാതെ ആർക്കു വേണമെങ്കിലും വിവരങ്ങൾ മാറ്റാം.

ആധാറിൽ കൊടുത്ത മൊബൈൽ നമ്പറുമായി ബന്ധപ്പെടുത്തിയാൽ വാഹന ഉടമക്ക് ലഭിക്കുന്ന ഒ.ടി.പി ഉപയോഗിച്ചു മാത്രമേ റജിസ്ട്രേഷൻ സർട്ടിഫിക്കറ്റുമായി ബന്ധപ്പെട്ട ഇടപാടുകൾ നടത്താൻ കഴിയുകയുള്ളു.

Ration cards are set to go digital, with a proposed linking to mobile numbers provided with Aadhaar, aiming to enhance efficiency and transparency.