ഇരിട്ടി: പാലപ്പുഴയില്‍ കാട് വെട്ടിതെളിക്കുന്നതിനിടെ ഉണ്ടണ്ടായ സ്‌ഫോടനത്തില്‍ യുവാവിന് പരുക്കേല്‍ക്കാന്‍ ഇടയായ സംഭവത്തില്‍ സമഗ്രമായ അന്വേഷണം നടത്തണമെന്ന് ബി.ജെ.പി പേരാവൂര്‍ മണ്ഡലം കമ്മറ്റി ആവശ്യപ്പെട്ടു. കഴിഞ്ഞ ശ്രീകൃഷ്ണ ജയന്തി ദിനത്തില്‍ കാക്കയങ്ങാട് നടന്ന ശോഭായാത്ര തടസപെടുത്തി നടന്ന അക്രമങ്ങളും തൊട്ടടുത്ത ദിവസം കടുക്കാപാലത്ത് ആര്‍.എസ്.എസ് മുഴക്കുന്ന് മണ്ഡലം കാര്യവാഹിക് നേരേ നടന്ന അക്രമങ്ങളും ഇതോടൊപ്പം കൂട്ടി വായിക്കണമെന്ന് മണ്ഡലം പ്രസിഡന്റ് പി.എം രവീന്ദ്രന്‍ പ്രസ്താവനയില്‍ പറഞ്ഞു.