പാലക്കാട്:അട്ടപ്പാടിയിൽ കരടിയെ പരിക്കേറ്റ നിലയിൽ കണ്ടെത്തി. ഇടവാണി,മേലെ ഭൂതയാർ, ജനവാസ മേഖയിൽ സ്ഥിര ശല്യമായിരുന്ന കരടിയെ പുതൂർ കുളപ്പടിക ഊരിന് സമീപം ഇന്നലെ വൈകിട്ടാണ് പരിക്കേറ്റ നിലയിൽ കണ്ടെത്തിത്. ഇരുകാലിനും പരിക്കേറ്റ കരടിയെ വനംവകുപ്പിന്റെ അഗളി, പുതൂർ ആർആർടി ടീമുകൾ ചേർന്ന് കൂടുവെച്ചാണ് പിടിച്ചത്. ആനയുടെ ചവിട്ടേറ്റാണ് പരിക്കേറ്റതെന്നാണ് വനംവകുപ്പിന്റേ പ്രാഥമിക നിഗമനം. കരടിയെ വിദഗ്ധ ചികിത്സയ്ക്കായി തൃശ്ശൂർ മൃഗശാലയിലേക്ക്  മാറ്റിയിട്ടുണ്ട്.