ജയ്പൂർ: പഹൽഗാം ഭീകരാക്രമണത്തെത്തുടർന്ന് ഇന്ത്യാ - പാകിസ്ഥാൻ അതിർത്തി സംഘർഷഭരിതമായിരിക്കെ, രാജസ്ഥാനിലെ അതിർത്തിയിൽ നിന്ന് പാക് സൈനികൻ ബി‌എസ്‌എഫിൻ്റെ കസ്റ്റഡിയിൽ. രാജസ്ഥാനിലെ ഇന്ത്യ-പാകിസ്ഥാൻ അതിർത്തിയിൽ നിന്ന് ബി‌എസ്‌എഫ് പാകിസ്ഥാൻ അതിർത്തി സേനയായ പാക് റേഞ്ചറെ കസ്റ്റഡിയിലെടുത്തതായി ഔദ്യോഗിക വൃത്തങ്ങൾ അറിയിച്ചു. ജമ്മു കശ്മീരിലെ പഹൽഗാമിൽ നടന്ന ഭീകരാക്രമണത്തിൽ വിനോദസഞ്ചാരികൾ ഉൾപ്പെടെ 26 പേർ കൊല്ലപ്പെട്ടതിനെത്തുടർന്ന് ഇരു രാജ്യങ്ങളും തമ്മിലുള്ള സംഘർഷം വർദ്ധിച്ചുവരുന്ന സാഹചര്യത്തിൽ, ബിഎസ്എഫിലെ ജവാനെ പാകിസ്ഥാൻ റേഞ്ചേഴ്‌സ് അറസ്റ്റ് ചെയ്ത് ഏകദേശം രണ്ടാഴ്ച കഴിഞ്ഞാണ്, പാക് ജവാനെ ഇന്ത്യയുടെ ബിഎസ്എഫ് പിടികൂടുന്നത്. ഇയാളെ ചോദ്യം ചെയ്തു വരികയാണെന്ന് സൈന്യം അറിയിച്ചു. ഇദ്ദേഹം ഏതു സാഹചര്യത്തിൽ ആണ് ബിഎസ്എഫിൻ്റെ പിടിയിൽ ആയതെന്നു വ്യക്തമല്ല.

  ഏപ്രിൽ 23 ന് പഞ്ചാബിലെ ഈ അന്താരാഷ്ട്ര അതിർത്തിയിൽ നിന്ന് ബി‌എസ്‌എഫ് ജവാൻ പൂർണം കുമാർ ഷായെ ആണ് പാക് റേഞ്ചേഴ്‌സ് പിടികൂടിയത്. ഇദ്ദേഹത്തെ പിടികൂടാനുള്ള ശ്രമം ഇന്ത്യ നടത്തിവരികയാണ്. ഇന്ത്യൻ സേന ശക്തമായ പ്രതിഷേധം രേഖപ്പെടുത്തിയിട്ടും അദ്ദേഹത്തെ കൈമാറാൻ ഇതുവരെ പാകിസ്ഥാൻ തയാറായിരുന്നില്ല.

Pak Soldier Detained By India's Border Security Force In Rajasthan