ക്യാന്‍സര്‍ ബാധിച്ച മൂന്ന് വയസുകാരിയെ നിര്‍ബന്ധിച്ച് നിരാഹാരമനുഷ്ഠിപ്പിച്ച് മാതാപിതാക്കള്‍. പിന്നാലെ മകള്‍ മരിച്ചു. ജൈനമത വിശ്വാസികളായ മാതാപിതാക്കളാണ് മൂന്നു വയസുകാരിയോട് ക്രൂരത കാട്ടിയത്.

 ജൈനമത വിശ്വാസികളുടെ സന്താരയെന്ന വ്രതാനുഷ്ടാനമാണ് കുട്ടിയെ നിര്‍ബന്ധിപ്പിച്ച് ചെയ്യിപ്പിച്ചത്. മരണാസന്നരായ ജൈന വിശ്വാസികള്‍ സാധാരണയായി ചെയ്യുന്ന അനുഷ്ഠാനമാണ് സന്താര. പ്രായമുള്ളവരും, രോഗികളും ഇനി ജീവിതത്തില്‍ ഒന്നും ചെയ്യാന്‍ ബാക്കിയില്ലെന്ന് തോന്നുവരും സാധാരണ ഗതിയില്‍ സന്താരയെന്ന ആചാരം അനുഷ്ഠിക്കാറുണ്ട്. ഭക്ഷണവും, വെള്ളവും ഉപേക്ഷിച്ച് നിരാഹാരത്തിലൂടെ മരണം വരിക്കുന്ന രീതിയാണിത്.

ഐടി ജോലിക്കാരായ പിയൂഷ് ജെയിന്‍, വര്‍ഷ ജെയിന്‍ എന്നിവര്‍ ചേര്‍ന്നാണ് കാന്‍സര്‍ ബാധിതയായ മൂന്ന് വയസുകാരിയോട് ക്രൂരത കാണിച്ചത്. കഴിഞ്ഞ മാര്‍ച്ചിലാണ് സംഭവം. ഇവരുടെ മകളായ വിയാനയാണ് സന്താര ആചരിച്ച് മരിച്ചെന്നാണ് വിവരം. സന്താര ആചരിച്ച് മരിക്കുന്ന ലോകത്തിലെ ഏറ്റവും പ്രായം കുറഞ്ഞ വ്യക്തിക്കുള്ള 'ഗോള്‍ഡന്‍ ബുക്ക് ഓഫ് വേള്‍ഡ്' റെക്കോര്‍ഡും മകള്‍ക്ക് വേണ്ടി മാതാപിതാക്കള്‍ ഏറ്റു വാങ്ങി. ഇതോടെയാണ് സംഭവം പുറം ലോകമറിഞ്ഞത്. 

2024ല്‍ കുട്ടിക്ക് തലച്ചോറില്‍ കാന്‍സര്‍ സ്ഥിരീകരിച്ചിരുന്നു. വിവിധ ചികിത്സകള്‍ നടത്തിയെങ്കിലും ഫലമൊന്നും കണ്ടില്ലെന്നാണ് ദമ്പനിതകള്‍ പറയുന്നത്. തുടര്‍ന്ന് ഇവരുടെ ആത്മീയ ഗുരുവായ രാജേഷ് മുനി മഹാരാജിനെ കാണുകയും, അയാള്‍ കുട്ടിയകൊണ്ട് സന്താര അനുഷ്ഠിക്കാനുള്ള നിര്‍ദേശം നല്‍കുകയും ചെ്തു. തുടര്‍ന്നാണ് മാതാപിതാക്കളുടെ ക്രൂരത. 

സംവഭം പുറത്തറിഞ്ഞതിന് പിന്നാലെ മധ്യപ്രദേശിലെ ബാലാവകാശ കമ്മീഷന്‍ വിമര്‍ശനവുമായി രംഗത്തെത്തി. പ്രായപൂര്‍ത്തായാകാത്ത കുട്ടിയൊക്കൊണ്ട് സന്താര അനുഷ്്ഠിപ്പിച്ചത് ക്രൂരതയാണെന്നും, വിഷയത്തില്‍ നിയമ വശങ്ങളെകുറിച്ച് പഠിച്ച് നടപടി സ്വീകരിക്കുമെന്നും ബാലവകാശ കമ്മീഷന്‍ മാധ്യമങ്ങളോട് പറഞ്ഞു.

Santara is a religious practice followed by Jain followers, particularly in situations where an individual is near death or facing extreme suffering. It involves fasting to the point of death