ന്യൂഡല്‍ഹി: സി.പി.എം രാജ്യസഭാ കക്ഷി നേതാവായി ഡോ. ജോണ്‍ ബ്രിട്ടാസ്. നിലവില്‍ ഉപനേതാവാണ് ബ്രിട്ടാസ്. ബംഗാളില്‍ നിന്നുള്ള അഡ്വ. ബികാസ് രഞ്ജന്‍ ഭട്ടാചാര്യ സ്ഥാനമൊഴിഞ്ഞതിനെ പിന്നാലെയാണ് ബ്രിട്ടാസിനെ തെരഞ്ഞെടുക്കാന്‍ സി.പി.എം കേന്ദ്ര നേതൃത്വം തീരുമാനിച്ചത്. 

ഡോ. ജോണ്‍ ബ്രിട്ടാസ് നിലവില്‍ വിദേശകാര്യ സ്റ്റാന്‍ഡിങ് കമ്മിറ്റി, പൊതുമേഖല സ്ഥാപനങ്ങള്‍ക്കായുള്ള പബ്ലിക് അണ്ടര്‍ടേക്കിങ് കമ്മിറ്റി, ഐടി വകുപ്പ് ഉപദേശക സമിതി തുടങ്ങിയവയില്‍ അംഗമാണ്.

രാജ്യസഭയില്‍ ശ്രദ്ധേയ ഇടപെടല്‍ നടത്തിവരുന്ന ബ്രിട്ടാസ് മികച്ച പാര്‍ലമെന്റേറിയനുള്ള 'പുരസ്‌കാരം രണ്ട് തവണ നേടിയിട്ടുണ്ട്. രാജ്യസഭയിലെ അദ്ദേഹത്തിന്റെ കന്നിപ്രസംഗം തന്നെ ചെയറിന്റെ പ്രശംസ നേടിയിരുന്നു. സി.പി.എം കേന്ദ്ര കമ്മിറ്റിയില്‍ സ്ഥിരം ക്ഷണിതാവാണ് ബ്രിട്ടാസ്.  മാധ്യമ മേഖലയിലും പ്രാഗല്‍ഭ്യം തെളിയിച്ചിട്ടുണ്ട് അദ്ദേഹം. 

Dr. John Brittas has been appointed as the leader of the CPI(M) in the Rajya Sabha, replacing Adv. Bikash Ranjan Bhattacharya. Known for his impactful speeches and contributions to key parliamentary committees, Brittas is a two-time recipient of the Best Parliamentarian Award and a prominent voice in national politics.