മലപ്പുറം: ചങ്ങരംകുളം വളയംകുളത്ത് റൈസ് മില്ലിൽ ജോലി ചെയ്തിരുന്ന യുവതിയുടെ കൈ മിഷിനില്‍ കുടുങ്ങി അറ്റുപോയി. കക്കിടിപ്പുറം സ്വദേശി പുഷ്പ(40)യ്ക്കാണ് അപകടത്തിൽ വലത് കൈ അറ്റത്. ചൊവ്വാഴ്ച്ച റൈസ് മില്ലിൽ ജോലി ചെയ്യുകയായിരുന്ന പുഷ്പയുടെ  കൈ മിഷിനില്‍ കുടുങ്ങിയത് രാവിലെ പത്തര മണിയോടെയാണ്. കഴിഞ്ഞ രണ്ട് വര്‍ഷമായി മില്ലില്‍ ജോലി ചെയ്തു വരുകയായിരുന്നു യുവതി. കൊപ്ര ആട്ടുന്നതിനിടയിലാണ് അപകടം സംഭവിച്ചത്.അപകടം നടന്ന ഉടനെ തന്നെ ഓടിക്കൂടിയ നാട്ടുകാരാണ് കൈ പൂര്‍ണ്ണമായും അറ്റ നിലയില്‍ യുവതിയെ ചങ്ങരംകുളത്തെ സ്വകാര്യ ആശുപത്രിയില്‍ എത്തിച്ചത്.